પોરબંદરમાં મિત્રની હત્યા કરનારો આરોપી પોલીસની પકડમાં

પોરબંદરના કોલીખડા ગામે ગત તારીખ 15 જૂનનાં રોજ રાત્રે હોટલમાં જમવાના પૈસા આપવા માટે મિત્રો વચ્ચે બોલાચાલી થઈ હતી. ત્યારબાદ મિત્રએ કુહાડીના ઘા ઝીંકી તેના જ મિત્રની હત્યા કરી દીધી હતી. જ્યારે આ બાબતે પોલીસે આરોપીને પકડવા તજવીજ હાથ ધરી હતી અને ત્રણ દિવસમાં આ આરોપી અડવાણા ગામેથી પોલીસના હાથે ઝડપાઇ ગયો હતો.

• પોરબંદરમાં મિત્રની હત્યા કરનારો આરોપી પોલીસની પકડમાં
• જમવાના બિલ બાબતે બોલાચાલી કરી મિત્રની કરી હતી હત્યા
• બાતમીના આધારે પોલીસે આરોપીને કરી ધરપકડ

પોરબંદરઃ શહેર નજીકના કોલીખડા ગામે 15 જૂનના રોજ રાત્રિના સમયે કોલીખડામાં રહેતો દાસા પરબત મારુ તેના જ મિત્ર સાથે કોલીખડા ગામે આવેલી હોટલમાં જમવા ગયા હતા. હોટલમાં જમ્યા બાદ બિલ આપવા બાબતે મિત્રો વચ્ચે બોલાચાલી થઈ હતી. અને ત્યારબાદ નજીકના એક મંદિરમાં પટાંગણમાં દાસા પરબત મારુ તેના મિત્રો સાથે સૂતો હતો તે દરમિયાન તેનો જ મિત્ર કરસન ભીમા કોડીયાતર હાથમાં કુહાડી લઈને આવ્યો હતો. દાસા મારુંના માથામાં ઘા ઝીંકી હત્યા કરવામાં આવી હતી.

બાતમીના આધારે આરોપી ઝડપાયો

કરસનને હત્યા કરતા રોકવા જતા અન્ય મિત્રો પર પણ હુમલો કર્યો હતો. ત્યારબાદ ત્યાંથી નાસી છૂટયો હતો. કરસન વિરુદ્ધ પોલીસ ફરિયાદ નાંધવામાં આવતા પોલીસે તેને પકડવા માટે અલગ અલગ ટીમ બનાવી હતી. ત્યારે 19 જૂન શનિવારના રોજ અડવાણા ગામથી આગળ આવેલા ત્રણ પાટિયા પાસે હત્યારો કરસન વાહનની રાહ જોઈને ઉભો હોવાનું પોલીસને બાતમી મળી હતી. આ બાતમીના આધારે પોલીસે તેને ઝડપી લીધો હતો. ત્યારબાદ તેને કોરોના રિપોર્ટ કરાવવા માટે લઈ જવામાં આવ્યો છે.

આ પણ વાંચોઃ Murder: પોરબંદરના કોલીખડા ગામમાં સાથે હોટેલમાં જમ્યા બાદ મિત્રે જ કરી મિત્રની હત્યા

આરોપીના શોધખોળમાં રોકાયેલા સ્ટાફ

આ હત્યા કેસના આરોપીની શોધખોળ માટે જિલ્લા પોલીસ વડા રવિ મોહન સૈનીની સૂચના મુજબ હત્યારાને શોધવામાં ઉદ્યોગ નગર પોલીસ સ્ટેશનના પોલીસ સબ ઇન્સ્પેક્ટર વાય.બી. પટેલ તથા પોલીસ હેડ કોન્સ્ટેબલ ચેતન ગીગા તથા પોલીસ કોન્સ્ટેબલ હોથી અરજણ, ચણા વેજા, ભરત ભનુ તથા લોક રક્ષક વિજય ખીમભાઈ વગેરે રોકાયેલા હતા.