કુતિયાણા અને રાણાવાવમાં નગરપાલિકાની ચૂંટણી યોજાઇ, રાણાવાવમાં NCP અને કુતિયાણામાં ભાજપનો દબદબો યથાવત

કુતિયાણા અને રાણાવાવમાં નગરપાલિકાની ચૂંટણી યોજવામાં આવી હતી. જેમાં રાણાવાવમાં NCP સત્તા આવી છે, જ્યારે કુતિયાણામાં ભાજપે બાજી મારી છે.

પોરબંદર જિલ્લાના કુતિયાણા નગરપાલિકા અને રાણાવાવ નગરપાલિકાની ચૂંટણી 24 ઓગસ્ટના રોજ યોજવામાં આવી હતી. જેમાં રાણાવાવ નગરપાલિકામાં ૭ વોર્ડમાં ૨૮ સભ્યોમાંથી ૨૦ સભ્યો હાજર રહ્યા હતા. આ ચૂંટણીમાં રાણાવાવમાં પ્રમુખ તરીકે NCPના જીવી ઓડેદરા અને ઉપ-પ્રમુખ તરીકે રાજા પાંડાવદરા બિનહરીફ ચૂંટાયા હતા.

કુતિયાણા નગરપાલિકાની ચૂંટણીમાં 7 વોર્ડમાં કુલ 24 સભ્યોમાંથી ૨૦ સભ્યો હાજર રહ્યા હતા. જેમાં પ્રમુખ તરીકે ઢેલી ઓડેદરા અને ઉપ-પ્રમુખ તરીકે બાબુ ઓડેદરા ચૂંટાયા હતા. કોરોના વાઇરસની મહામારીના પગલે ચૂંટણીમાં હાજર તમામ લોકોએ સરકારી ગાઈડલાઇન્સનું પાલન કર્યું હતું. આ ઉપરાંત આ ચૂંટણી શાંતિપૂર્ણ યોજાઈ હતી.