મોનિટરીંગ રૂમના કર્મચારી શૈલેષભાઈ મારૂના જણાવ્યા પ્રમાણે, આ મોનિટરીંગ રૂમમાં ૧૫ જેટલા કર્મચારીઓની નિમણૂક કરવામાં આવી છે. જેઓ સતત તમામ ન્યૂઝ ચેનલો અને અન્ય ચેનલોમાં આવતી જાહેરાતો અને સમાચારો પર નોંધ રાખી રહ્યાં છે. સાથે જ કોઈપણ સમાચાર પેઇડ છે કે કેમ તેની નોંધ કરી રહ્યાં છે.
આ ઉપરાંત 11 પોરબંદર લોકસભા સીટના ઇતિહાસની તમામ માહિતી દર્શાવતું પ્રદર્શન ગોઠવવામાં આવ્યું છે. માહિતી અધિકારી અર્જુન પરમારે જણાવ્યું હતું કે, પોરબંદરમાં કલેક્ટર કચેરીના નીચેના ફ્લોર પર ગોઠવવામાં આવેલા પ્રદર્શનમાં પોરબંદર લોકસભા મત વિસ્તારમાં આવતા તમામ સાત વિધાનસભા વિસ્તારોની માહિતી એકત્ર કરીને મોટા પોસ્ટર સ્વરૂપે મૂકવામાં આવી છે. આ ઉપરાંત 1977થી 2014 સુધી પોરબંદર સીટ પરથી જ મતદાતાઓની સંખ્યા અને ઉમેદવારોની સંપૂર્ણ માહિતીનું પણ પ્રદર્શન કરવામાં આવ્યું છે, જે લોકો જોઈ પણ શકે છે અને માહિતી પણ મેળવી શકે છે.