ઈ.સ.1936માં બરડાના ઘીને તેની શુદ્ધતા અને ગુણવત્તા માટે ઘીની આર. એમ વેલ્યુ 19 થી 24 જે શ્રેષ્ઠ માનવામાં આવે છે તે યોગ્યતાનું પ્રમાણપત્ર મળ્યું. આ માટે પોરબંદરનાં મહારાજા નટવરસિંહજીએ પોરબંદરમાં ઘી ગ્રેડિંગ લેબોરેટરી ચાલુ કરવા અને એગમાર્કનાં લેબલિંગ માટેના પ્રયાસ કરાયા અને ઇ.સ.1938માં નવેમ્બર માસમાં પોરબંદરમાં ઘી ગ્રેડિંગ લેબોરેટરી સ્થપાઈ હતી પરંતુ સરકારી દૂધમંડળી દ્વારા ગામડે ગામડે દૂધ ઉત્પાદન કેન્દ્રોમાં વધારો થતા ઘીનું ઉત્પાદન ઘટ્યું. એ સમયે ઘીનો કિલો દીઠ ભાવ 50 રૂપિયા હતો. જે આજે 400 થી 500 રૂપિયા કિલોનાં ભાવે વેચાય છે. અને ઘીની ગુણવત્તામાં પણ ફેરફાર જોવા મળે છે.
ભાણજી લવજી ઘીવાલા પેઢીનાં હસમુખભાઈ વલ્લભભાઈ સીમરીયા જણાવે છે કે હાલ અમારો આ વ્યવસાય છઠ્ઠી પેઢી સુધી ચલાવી રહ્યા છીએ અને સૌરાષ્ટ્રમાંથી જે ઘી આવે છે જેમાં બરડાનું ઘી ઉત્તમ ગણાય છે કારણ કે આ ઘી આખું વર્ષ ચાલે છે અને બગડતું નથી આ ઉપરાન્ત તંદુરસ્તી અને સ્વાસ્થ્ય માટે પણ સારું છે. 19 જુલાઈ ઇ .સ 1959 ના રોજ દિલ્હી ખાતે નાયબ કૃષિ મંત્રી એમ વી ક્રિષ્નપ્પા ના હસ્તે ભાણજી લવજી ઘી વાલા પેઢી ના વલ્લભદાસભાઈ ને ગોલ્ડ મેડલ મળ્યો હતો જે પોરબંદર માટે ગર્વ ની વાત છે
મગજ ના જ્ઞાન તંતુ ઓ માટે ઘી જરૂરી છે તેમાં ઓમેગા 3 અને ઓમેગા 6 ફેટી એસિડ નો બરાબર રેશિયો છે જે સામાન્ય માણસ ની તંદુરસ્તી માટે જરૂરી છે આ ઉપરાન્ત વિટામિન એ ડી ઈ કે સારા પ્રમાણ માં ઘી માંથી મળી રહે છે જેનાલીધે હાડકા, મગજ, સ્નાયુઓ રોગ પ્રતિકારક શક્તિ ની કાર્યક્ષમતા માં વધારો કરે છે
તો બરડા વિસ્તાર માંથી આવેલ માલધારી સમાજ ના લક્ષ્મી બેન જણાવે છે તેઓ ને 6 ભેંસ છે જે દર અઠવાડિયા માં 15 કિલો ઘી નું ઉત્પાદન થાય છે અને ભાવ પ્રમાણે આવક મળે છે દૂધ માંથી દહીં બનાવે છે અને ત્યાર બાદ તેને વલોવી માખણ બનાવવામાં આવે છે અને માખણ ગરમ કરી ને ઘી તૈયાર થાય છે અને
ત્યારબાદ ભાણજી લવજી પેઢી માં આપવામાં આવે છે જ્યાં તેનું લેબોરેટરી તપાસ માંથી પસાર કરવાં આવે છે અને ફરીથી ગરમ કરવાં આવે છે અને 500 ગ્રામ થી 1 કિલોના પેકીંગ તૈયાર કરી વહેંચવામાં આવે છે.
પોરબંદરથી નિમેષ ગોંડલિયાનો વિશેષ અહેવાલ..
