પોરબંદરમાં જશને ખ્વાજા ગરીબ નવાઝ નિમિત્તે જુલુઝ નીકળ્યું

પોરબંદર: શહેરમાં જશને ખ્વાજા ગરીબ નવાઝ નિમિત્તે એક શાનદાર જુલુઝ યોજવામાં આવ્યું હતું. જેમાં હુઝુર ખ્વાજા ગરીબ નવાઝ મોઇન્નુદિન ચીસ્તી સંજરી અજમેરીના મુબારક ઉર્ષના મોકા પર બારગાહમાં ખીરાજે અકીદત પેશ કરવા માટે આ શાનદાર જુલુઝનું આયોજન કરવામાં આવ્યું હતું.

આ જુલુઝ હઝરત મીરા પીર બાદશાહની દરગાહ શરીફથી એસવીપી રોડ, હરીશ ટોકીઝ, રાણીબાગ, એમ જી રોડ, લિબર્ટી રોડ મુસ્લિમ કન્યા શાળા થઈને હઝરત બુખારી બાપુની દરગાહ શરીફ પર સમાપ્ત થયું હતું.

આ શાનદાર જુલુસમાં પોરબંદરના સાદાતે કિરામ, તમામ મસ્જિદના ઇમામ સાહેબો અને મુતવલ્લીઓ, દારૂલ ઉલુમ ગૌષે આઝમના તલબા, તમામ મદ્રેસાઓ, મોઅઝ્ઝીન સાહેબો, પોરબંદરની તમામ મુસ્લિમ સંસ્થાઓ, કમિટીઓ તથા જમાતના હોદ્દેદારો અને તમામ સુન્ની મુસ્લિમ બિરાદરો ઉપસ્થિત રહ્યાં હતા.