પોરબંદરઃ સાગરપુત્ર સમન્વય સંસ્થાએ જરૂરિયાતમંદોને 700 સાડી અને 500 નાસ મશીનનું વિતરણ કર્યું હતું. કોરોનાને કારણે મુશ્કેલીઓનો સામનો કરી રહેલા લોકોને આ સંસ્થાએ મદદ પહોંચાડી હતી. પોરબંદર સ્થિત સાગરપુત્ર સમન્વય સંસ્થાના પ્રમુખ પ્રવીણ ખોરાવાના માતા સ્વ. નાથી ખોરાવાની સ્મૃતિમાં શહેરના જૂરિબાગ વિસ્તારમાં રહેતા જરૂરિયાતમંદ બહેનોને 700 સાડીનું વિતરણ કર્યું હતું.
આ ઉપરાંત કોરોના કાળ વચ્ચે જરૂરિયાતમંદ પરિવારોને નાસ મશીન આપવાના ઉદ્દેશ સાથે 500 નાસ મશીનનું વિતરણ કરવામાં આવ્યું હતું. હજી 150 મશીન મગાવ્યા છે, જેનું પણ વિતરણ કરવામાં આવશે. આ ઉપરાંત 650 જેટલા બાળકોને 1950 જેટલી નોટ વિનામૂલ્યે વિતરણ કરવામાં આવી હતી. સંસ્થાના પ્રમુખ પ્રવીણ ખોરવાએ કહ્યું કે, અમારી સંસ્થા જરૂરિયાતમંદોને ચીજવસ્તુઓનું વિતરણ કરતી રહેતી હોય છે.
