પાટણ: ગુજરાત વિધાનસભા સામાન્ય ચૂંટણી-2022માં (Gujarat Assembly Election 2022) આ વર્ષે પ્રથમવાર શારીરિક રીતે અસક્ષમ, વયોવૃદ્ધ અને દિવ્યાંગો મતપત્રથી મત આપશે. ચૂંટણીમાં ફરજ બજાવતા સરકારી અધિકારી/કર્મચારીઓ અને આવશ્યક સેવાઓના કર્મચારીઓ કે, જેઓ પોતાના મતવિસ્તારથી બહાર ફરજ નિભાવી રહ્યા છે. તેઓ લોકશાહીના આ મહાપર્વમાં સહભાગી થઈ શકે અને પોતાના કિમતી મત આપી કરી શકે. તે માટે ફોર્મ 12-D ભરવું આવશ્યક છે. જે અનુસંધાને પાટણ જિલ્લા કલેક્ટર વ જિલ્લા ચૂંટણી અધિકારી સુપ્રિત સીંઘ ગુલાટીએ મતપત્રથી મતાધિકાર મેળવવાનું 12-D ફોર્મ ભર્યું (Collector Suprit Singh filled Form 12 D to vote) હતુ. જે અનુસંધાને પાટણ ચૂંટણી અધિકારી સુપ્રિત સીંઘ ગુલાટીએ મતપત્ર મેળવવા માટેની પ્રક્રિયા પૂર્ણ કરી હતી.
12-D ફોર્મ ભરવાની અપીલ: ચૂંટણીમાં ફરજ બજાવતા સરકારી અધિકારીઓ/કર્મચારી તેમજ આવશ્યક સેવા સાથે જોડાયેલા લોકોને ફોર્મ 12-D ભરી મતપત્રથી મતાધિકાર મેળવવા માટેની અપીલ પણ કરી હતી. જેથી ફરજની સાથે સાથે લોકશાહીના મહાપર્વમાં પણ સહભાગી બનીને મતદાન કરી શકાય.
મતપત્રથી મતદાન: ચૂંટણી સાથે જોડાયેલા સરકારી અધિકારી/કર્મચારીઓ, આવશ્યક સેવાઓમાં ફરજ બજાવતા કર્મચારીઓ મતપત્રથી મતદાન કરી શકે છે. તે માટે 12-D ફોર્મ છે. આ ફોર્મ ભરીને સરકારી અધિકારીઓ/કર્મચારીઓ મતપત્ર દ્વારા મતદાન કરી શકશે. જે અનુસંધાને પાટણ જિલ્લા કલેક્ટર વ જિલ્લા ચૂંટણી અધિકારી સુપ્રિત સીંઘ ગુલાટીએ મતપત્રથી મતાધિકાર મેળવવાનું 12-D ફોર્મ ભર્યું હતુ.
