રાજ્યના વિવિધ જિલ્લામાં લેવાયેલી GPSCની પરીક્ષામાં ગેરરીતિ થઈ હોવાનો આક્ષેપ સાથે ઠેર ઠેર ઉમેદવારો વિરોધ કરી રહ્યાં છે. આ સાથે ઉમેદવારો પરીક્ષા રદ કરવાની માગ કરી જિલ્લા કલેક્ટરને આવેદનપત્ર પાઠવી રહ્યાં છે. ત્યારે પાટણમાં NSUI દ્વારા વિરોધ કરવામાં આવી રહ્યો છે.
પાટણમાં NSUI એ GPSCની પરીક્ષા રદ કરવાની માગ સાથે કલેક્ટરને આપ્યું આવેદનપત્ર
એન.એસ.યુ.આઈ દ્વારા પાટણ કલેકટર કચેરી ખાતે સૂત્રોચ્ચાર કરી વિરોધ કરવામાં આવ્યો હતો. તેમજ કલેકટરને આવેદનપત્ર આપી આ પરીક્ષા રદ કરવાની માંગ કરી છે. વધુમાં સરકાર દ્વારા લેવાતી સ્પર્ધાત્મક પરીક્ષાઓમા વારંવાર થતી ગેરરીતિઓ અટકાવવાની અને સંડોવાયેલા લોકો સામે કડક કાર્યવાહી કરવાની માંગ કરી છે.
