પાટણની 10થી વધુ સોસાયટીઓને કન્ટેઈન્મેન્ટ ઝોન તરીકે જાહેર કરાઈ

પાટણ શહેરમાં કોરોનાના કેસ વધી રહ્યા છે. જેથી કોરોના કેસને અટકાવવા માટે તંત્ર દ્વારા પોઝિટિવ કેસ હોય તેવા વિસ્તારોને કન્ટેઈન્મેન્ટ અને માઇક્રો કન્ટેઈન્મેન્ટ ઝોનમાં મુકવાની કામગીરી શરૂ કરવામાં આવી છે. શહેરમાં અત્યાર સુધીમાં 10થી વધુ સોસાયટીઓને કન્ટેઈન્મેન્ટ ઝોન તરીકે જાહેર કરવામાં આવી છે અને આ સોસાયટીઓમાં પતરાની આડશો મૂકી અવરજવર ઉપર પ્રતિબંધ ફરમાવ્યો છે.

• પાટણમાં કોરોનાનો કહેર યથાવત
• સંક્રમણને નિયંત્રિત કરવા વહીવટી તંત્રએ લીધો મહત્વનો નિર્ણય
• બેથી વધુ કેસ આવે તેવી સોસાયટીને કરવામાં આવી રહી છે સીલ

પાટણઃ શહેર અને જિલ્લામાં સતત કોરોનાના કેસમાં વધારો થઈ રહ્યો છે. મુખ્યપ્રધાન વિજય રૂપાણીએ તાજેતરમાં રાજય કક્ષાની કોર કમિટીની બેઠક પાટણ ખાતે યોજી હતી.

પાટણની 10થી વધુ સોસાયટીઓને કન્ટેઈન્મેન્ટ ઝોન તરીકે જાહેર કરાઈ

આ પણ વાંચોઃ પાટણમાં કોરોના બેકાબૂ, નવા 122 કેસ નોંધાયા

બેથી વધુ પોઝિટિવ કેસ આવે તેવા વિસ્તારને કન્ટેઈન્મેન્ટ ઝોન જાહેર કરાયા

આ બેઠકમાં જે સોસાયટી કે મહોલ્લામાં બેથી વધુ પોઝિટિવ કેસ આવે તેવા વિસ્તારને કન્ટેઈન્મેન્ટ ઝોન જાહેર કરવા સૂચના અપાઈ હતી. જેને અનુસંધાને પાટણ શહેરના ભૈરવ મંદિર પાછળ આવેલી રાજલક્ષ્મી સોસાયટીમાં ત્રણથી વધુ કેસ આવતા આ સોસાયટીને કન્ટેઈન્મેન્ટ ઝોન તરીકે જાહેર કરવામાં આવી છે. તેમજ સોસાયટીમાં અવર-જવર પણ બંધ કરવામાં આવી છે.

પાટણની 10થી વધુ સોસાયટીઓને કન્ટેઈન્મેન્ટ ઝોન તરીકે જાહેર કરાઈ

આ પણ વાંચોઃ પાટણ જિલ્લામાં સતત ત્રીજા દિવસે કોરોનાના 100થી વધુ કેસ નોંધાયા

પ્રતિબંધિત સોસાયટી આગળ પોલીસની પહેરેદારી ગોઠવાઈ

આ ઉપરાંત ચાણક્યપુરી સોસાયટીમાં 5 કેસ નોંધાતા તંત્ર દ્વારા આ સોસાયટીને પણ સીલ કરવામાં આવી છે. આ ઉપરાંત પાટણ શહેરના હાઈવે ઉપરની સોસાયટીઓ તેમજ સીટી વિસ્તારમાં મોહલ્લામાં અને સોસાયટીઓમાં 10થી વધુ વિસ્તારોને કન્ટેઈન્મેન્ટ ઝોન જાહેર કરવામાં આવ્યાં છે. આ વિસ્તારોમાં અવર-જવર પર પ્રતિબંધ મૂકી પોલીસની પહેરેદારી ગોઠવી દેવાઈ છે.