પાટણની હેમચંદ્રાચાર્ય યુનીવર્સીટીએ વિદ્યાર્થીઓ માટે લોન્ચ કરી MY HNGU મોબાઈલ એપ્લીકેશન

પાટણઃ શુક્રવારે હેમચંદ્રાચાર્ય ઉત્તર ગુજરાત યુનીવર્સીટીના 33માં સ્થાપના દિવસ નિમિત્તે વડાપ્રધાન મોદીના ડીજીટલ ઇન્ડિયાના સ્વપ્નના ભાગરૂપે યુનીવર્સીટી દ્વારા વિદ્યાર્થીઓને ડીજીટલ ઇન્ડિયા તરફ વાળવાની એક સુંદર પહેલ કરવામાં આવી છે.

યુનીવર્સીટી દ્વારા આજે વિદ્યાર્થીઓને સરળતાથી અભ્યાસને લગતી તમામ માહિતી સરળતાથી પોતાના મોબાઈલમાં જ મળી રહે તે હેતુ થી MY HNGU નામની મોબાઈલ એપ્લીકેશન લોન્ચ કરવામાં આવી છે. જેમાં પરીક્ષાની તારીખો, દરેક વિભાગોની માહિતી અને પરિણામસહીતની સઘળી માહિતીઓ વિદ્યાર્થી પોતાના મોબાઈલ થકી મેળવી શકશે.

આ એપથી વિદ્યાર્થીઓ તેમજ કર્મચારીઓના સમયનો પણ બચાવ થઇ શકશે. સાથે જ કામનું ભારણ પણ ઘટશે, તદ્ઉપરાંત 5 જિલ્લામાં સંકળાયેલ યુનીવર્સીટી સંલગ્ન કોલેજોના વિદ્યાર્થીઓને માહિતી મેળવવા પાટણ સુધી આવવા જવાનો સમય અને ખર્ચ પણ બચી શકશે જેને લઈ વિદ્યાર્થીઓમાં પણ આનંદ જોવા મળ્યો હતો.