- કોરોનાની બીજી લહેરે તમામ રેકોર્ડ તોડ્યા
- જિલ્લામાં એક જ દિવસમાં 125 પોઝિટિવ કેસ નોંધાયા
- કોરોના પોઝિટિવ કેસને લઈ તંત્ર દોડતું થયું
પાટણઃ શહેરમાં સ્થિતિ ગંભીર સ્વરૂપ ધારણ કરી રહી હોય તેવું દેખાઈ રહ્યું છે, જેને પગલે વહિવટીતંત્ર સાથે શહેરીજનોની ચિંતામાં પણ વધારો થયો છે. પાટણ શહેરમાં 13 નવા કોરોનાના કેસ નોંધાયા છે. પાટણમાં 11 દિવસથી દર્દીઓની સંખ્યામાં વધારો થયો છે. આ સાથે જ પાટણમાં અત્યાર સુધી કોરોના પોઝિટિવ કેસની સંખ્યા 6,082 થઈ છે.
પાટણ શહેરમાં કુલ 1,964 દર્દી કોરોનાની ઝપેટમાં
પાટણ ઉપરાંત તાલુકાના ગ્રામ્ય વિસ્તારમાં 23, ચાણસ્મા શહેરમાં 3 અને તાલુકામાં 10, રાધનપુર શહેરમાં 16, સિદ્ધપુર શહેરમાં 10 અને તાલુકામાં 11, હારીજ તાલુકાના 4, સાંતલપુર ગામના 2 તાલુકામાં 13, સરસ્વતી તાલુકામાં 5 અને સમી નગરમાં 1 અને તાલુકામાં 10 કેસ નોંધાયા છે. પાટણ જિલ્લામાં અત્યાર સુધીમાં કોરોના પોઝિટિવ દર્દીઓનો આંક 6,082 ઉપર પહોંચ્યો છે. જ્યારે પાટણ શહેરમાં કુલ 1,964 દર્દીઓ ઝપેટમાં આવ્યા છે.
આ પણ વાંચોઃ વડોદરાના પ્લાયવુડ મર્ચન્ટ એસોસિયેશનના વેપારીઓ દ્વારા સાંજના 5 વાગ્યા પછી લાગુ કરાયું સ્વૈચ્છીક લોકડાઉન
કોરોના પોઝિટિવ 125 દર્દી સારવાર હેઠળ
387 શંકાસ્પદ દર્દીઓના રિપોર્ટ હાલ પેન્ડિંગ છે. જ્યારે કોરોના પોઝિટિવ 125 દર્દીઓ હોસ્પિટલમાં સારવાર હેઠળ છે અને 866 હોમ આઇસોલેશનમાં છે. આમ, કોરોનાની બીજી લહેરે શહેર ઉપરાંત ગ્રામ્ય વિસ્તારને પણ લપેટમાં લેતા લોકો તકેદારી નહીં રાખે તો કોરોના સમગ્ર જિલ્લામાં વિકરાળ સ્વરૂપ ધારણ કરશે તેમ હાલની સ્થિતિ પરથી લાગી રહ્યું છે
