પંચમહાલઃ હાલોલ નગરના સિંધવાઇ તળાવ વિસ્તારમાં નિર્મલ કુમાર પંડીત નામના ઇસમ દ્રારા પરપ્રાંતિય યુવતીઓને લાવીને કારમા દેહવ્યાપારનો સોદો ગ્રાહકો પાસે કરવામાં આવતો હોવાની હાલોલ ટાઉન પોલીસને ખાનગી રાહે બાતમી મળી હતી. આથી ટાઉન પોલીસની ટીમે દેહવ્યાપારના આ નેટવર્કને ઝડપી પાડવા માટે એક ડમી ગ્રાહક તૈયાર કર્યો હતો. સિંધવાઇ તળાવ પાસે ઉભી રહેલી નિર્મલ પંડીતની કાર પાસે ડમી ગ્રાહકે જઈ યુવતીનો દેહવ્યાપાર માટે ૫૦૦ રૂપિયામાં સોદો નક્કી કર્યો હતો.
પોલીસની સુચન મુજબ ડમી ગ્રાહકે ઇશારો કરતા હાલોલ ટાઉન પોલીસ ત્રાટકી હતી. જેમાં કારમા નિર્મલ પંડીત અને બે યુવતીઓ મળી આવી હતી. પોલીસે યુવતીઓની પ્રાથમિક પુછપરછ કરતા પોતે મુંબઇની હોવાનુ જણાવ્યુ હતુ. દેહવ્યાપારનો વ્યવસાય ચલાવતો નિર્મલ પંડીત યુવતીઓને ગ્રાહકદીઠ ૩૦૦ રૂપિયા આપતો હોવાની વિગતો બહાર આવી છે.
પોલીસે દેહવ્યાપાર કરાવનાર નિર્મલ પંડીતની રોકડ રકમ, કાર સાથે બે યુવતીઓની પોલીસે અટકાયત કરી તપાસના ચક્રો ગતિમાન કર્યા છે.
