પ્રાપ્ત વિગતો અનુસાર, શહેરા નગર પાસેથી અણિયાદ ચોકડી પાસે રહેતા જશાભાઇ ગઢવી પોતાના ઘરે જઇ રહ્યા હતા. ઘરે જતા રસ્તા પર પાનમ હાઇ લેવલ કેનાલ આવે છે. ત્યારે રસ્તા પર જતી વખતે અચાનક પગ લપસતા પાણીમાં પડ્યા હતા. જશાભાઇએ બચાવવાની બુમો પાડતા તેમના પુત્ર સાંભળીને દોડી આવ્યા હતા પરંતુ જશાભાઇ ઉંડા પાણીમાં ગરકાવ થઈ ગયા હતા.
ત્યારબાદ સ્થાનિક શહેરા પોલીસને જાણ કરી ફાયરબ્રિગેડ બોલાવીને તપાસ હાથ ધરવામાં આવી હતી પણ જશાભાઇને શોધવામાં સફળતા મળી નહોંતી. ત્યારબાદ વડોદરાથી NDRFની ટીમ બોલાવીને શોધખોળ હાથ ધરવામાં આવી હતી. મંગળવારે સવારે ઇસમનો મૃતદેહ મળી આવ્યો હતી. મૃતદેહને પોસ્ટમોર્ટમ અર્થે શહેરા રેફરલ હોસ્પિટલ ખસેડવામાં આવ્યો હતો. ઘટના સ્થળે પોલીસનો સ્ટાફ દોડી આવી મૃતદેહને પોસ્ટમોર્ટમ માટે રેફરલ હોસ્પિટલ ખસેડવામાં આવ્યો હતો. જશાભાઇનો મૃતદેહ મળતા પરિવારજનોમાં ગમગીનીનો માહોલ છવાયો હતો.
