પંચમહાલ જિલ્લાના શહેરા તાલુકાના મોરવા રેણા ગામ ખાતે બુધવારના વહેલી સવારે મોર્નિંગ વોક માટે 5 સિનિયર સીટીઝન નીકળ્યા હતા. તે દરમ્યાન મોરવાથી નદીસર જતા માર્ગ પર ગોકલપુરા પાસે એક કાર ચાલકે મોર્નિંગ વોક કરી રહેલા સિનિયર સિટીજનોને ટક્કર મારી હતી. જેમાં ભારે ટક્કરથી 3 જેટલા લોકોના ઘટના સ્થળ પર જ મોત નિપજ્યા હતા. અન્ય 2 વ્યકિતનો બચાવ થયો હતો. જેમાં કાર ચાલક અકસ્માત સર્જી ફરાર થઇ ગયો હતો.
જેમાં મુત્યુ પામનાર તમામને શહેરા રેફરલ હોસ્પિટલ ખાતે પોસ્ટ મોર્ટમ માટે મોકલી આપવામાં આવેલ હતા. જેમાં મરણ પામનાર ડૉ. સુરેશ પટેલ , ગુણવંત પટેલ તેમજ રણછોડ વાળંદનો સમાવેશ થાય છે. આ બનાવના પગલે સમગ્ર વિસ્તારમાં માતમ છવાયો ગયો હતો.