નવસારીમાં નકલી IPS બની 8 લાખનો ચૂનો લગાવનારની પોલીસ કરી ધરપકડ

નવસારીઃ લાલચ મનુષ્યની આર્થિક કબર ખોદીને જમીનમાં ઉતારી દેતા કિસ્સાઓ પણ અવાર નવાર બહાર આવી રહ્યાં છે. નવસારીમાં પણ કંઈક આવો કિસ્સો બહાર આવ્યો છે. નકલી IPS બનીને આવેલો ઠગ 8 લાખનો ચૂનો ચોપડી ગયો હતો. પછી ફરિયાદી ભાનમાં આવ્યા બાદ ફરિયાદ નોંધાવતા આરોપીને શહેર પોલીસે ઝડપી પાડ્યો હતો.

નવસારી શહેરના બિલ્ડર અને કોંગ્રેસના આગેવાન હોલિવુડની ફિલ્મનું નિર્માણ કરવાના હતા તેવા સમયગાળામાં આર ડી પટેલ જે ગાંધીનગરમાં સસ્પેન્ડ થયેલા IPS હોય એવી ઓળખ આપીને બિલ્ડર રાજુભાઇ પટેલને મળ્યા હતા. અને આપની ફિલ્મમાં મારી પાસે ઘણા રોકાણકારો રૂપિયા રોકી શકે એવા છે. એના માટે તારે મારા મિત્રને ભાગીદાર બનાવવો પડશે. જેની જાણમાં બિલ્ડર ફસાયા અને નકલી IPSનેે દીકરીની ફી ભરવાના 8 લાખ આપી દીધી હતા, ત્યાર બાદ આ નકલી દેખાતો ઈસમ રૂપિયા પરત કરવાનું નામ ન લેતા બિલ્ડરે પોલીસનો સહારો લઈને ફરિયાદ કરી હતી. પરંતુ તમામ હકીકત કંઈક જૂદી નીકળી હતી.

નકલી IPSએ બિલ્ડરની દીકરીના ફી માટે આપેલ 8 લાખની રકમ ન ચૂકવી શકતા નકલી IPSએ ફોરવિલ ગાડી આપી હતી. ગાડીની ડિટેલ કઢાવતા સમગ્ર મામલો બહાર આવ્યો હતો જે નકલી IPSએ જે આર ડી પટેલ નામ આપ્યું હતું એ ખોટું નીકળ્યું અને સાચું નામ રાકેશ ઓઝા નીકળતા પોલીસનું શરણું લેવું પડ્યું અને જે મિત્રને ફિલ્મમાં ભાગીદાર બનવાયો હતો. તે હરેશ ઓઝા નીકળ્યો હતો. પોલીસે આરોપી રાકેશ ઓઝાની ધરપકડ કરીને ભાગીદાર હરેશ ઓઝાને ઝાડપવાના ચક્રોગતિમાન કર્યા હતા.