નવસારી : નવસારીના દરિયામાં ફસાયેલા પોતાના ભાઈને બચાવવાના પ્રયાસમાં લખનદેવી પૂજકે ગણપતિ બાપાની મૂર્તિની મદદથી 36 કલાક સુધી દરિયામાં રહ્યો હતો. ત્યારબાદ નવસારીના સ્થાનિક માછીમારોએ તેને બચાવી ધોલાઈ બંદરમાં લઇ આવ્યાં હતાં અને સારવાર માટે ખસેડવામાં આવ્યો હતો.હવે તેને રજા મળતાં હવે ઘેર પહોંચી ગયો છે. તબીબી ટીમ દ્વારા પ્રાથમિક તપાસ કર્યા બાદ વધુ તપાસ માટે નવસારીની નિરાલી હોસ્પિટલમાં બે દિવસ તબીબોની ટીમના ઓબ્ઝર્વેશનમાં રાખવામાં આવ્યા હતા, જ્યાં બે દિવસ બાદ પોતાના ઘરે જઈ રહેલા લખન દેવીપૂજક સાથે ખાસ વાતચીત કરી હતી.
ગણેશ વિસર્જન દરમિયાન બની ઘટના : 29 સપ્ટેમ્બરના રોજ ડુમસના દરિયાકિનારે 18 નોટિકલ માઈલ (22 કિલોમીટર) દૂર ડુમસના દરિયા કિનારે ફસાયેલા 14 વર્ષીય લખન દેવીપૂજક ગણપતિ બાપા મોતને હાથતાળી આપી હતી.. તે 36 કલાક સુધી દરિયામાં સંઘર્ષ કરીને ગણપતિ બાપાની તુટેલી મૂર્તિના ફ્રેમિંગ બોર્ડ પર) નવસારી નજીકના તણાઈ પહોંચ્યો હતો. નવસારીના મધદરિયામાં માછીમારી કરવા ગયેલા ભાટ ગામના સ્થાનિક માછીમારોએ એક બાળક તૂટેલી મૂર્તિની મદદથી તરતું નજરે પડ્યું ત્યારે રાહતની વાત સામે આવી હતી.
રેસ્ક્યૂની જહેમત : માછીમારો દ્વારા ફિશિંગ બોટ દ્વારા તરત જ બાળકને બચાવી લેવામાં આવ્યો હતો અને તેની જ બોટમાં સુરક્ષિત રીતે ધોલાઈ બંદરે લાવવામાં આવ્યો હતો. અહીં બાળકના સમાચાર સાંભળીને જિલ્લા પોલીસ અને તબીબી ટીમ પહેલેથી જ સક્રિય થઈ ગઈ હતી. બાળકને ICU એમ્બ્યુલન્સમાં પ્રાથમિક સારવાર આપવામાં આવી હતી અને ત્યારબાદ વધુ સારવાર માટે નિરાલી હોસ્પિટલ નવસારી ખાતે ખસેડવામાં આવ્યો હતો. જ્યાં લખન દેવીપૂજકને બે દિવસ સુધી તબીબોની ટીમની દેખરેખ હેઠળ રાખવામાં આવ્યા હતા અને સતત દેખરેખ રાખવામાં આવી હતી.
હોસ્પિટલમાંથી રજા આપવામાં આવી : જ્યારે લખન દેવીપૂજકની તબિયત સારી થતાં હોસ્પિટલમાંથી તેને રજા આપવામાં આવી હતી, જ્યાં તેમના પરિવારની સાથે સમાજના લોકો પણ તેમને લેવા માટે મોટી સંખ્યામાં હોસ્પિટલ પહોંચ્યા હતાં.
અમે પરિવાર સાથે દરિયા કિનારે ગયા હતા, જ્યાંથી દરિયામાં ગયાં પછી મારો ભાઈ નહાતી વખતે તણાવા લાગ્યો. જેને બચાવવા જતા મારો પગ પાણીમાં ગરક થઈ ગયો જેથી હું તણાઈ ગયો હતો. જેમાં મને મધદરિયે ગણપતિ બાપાની વિસર્જિત થયેલી મૂર્તિનું પાટિયું મળી જતા હું રાતભર એ પાટીયા પર બેસી રહ્યો. જે દરમિયાન મને મારા પરિજનો ઘણા યાદ આવતા હતાં. જ્યારે દરિયામાં મને માછીમારો દ્વારા રેસ્ક્યૂ કરી બચાવી લેવામાં આવ્યો હતો અને આજે હું સહીસલામત ઘરે જાઉં છું જેની મને ઘણી ખુશી છે..લખન દેવીપૂજર (મોતને હાથતાળી આપનાર બાળક)
પિતાની પ્રતિક્રિયા : લખન દેવીપૂજકના પિતા સાથે વાત કરતાં તેમણે કહ્યું કે હું મારા બાળકના મૃતદેહને શોધી રહ્યો હતો પરંતુ હું ભગવાનનો આભાર માનું છું કે મને મારું બાળક જીવતું મળ્યું. સ્થાનિક વહીવટીતંત્ર, પોલીસે મારા બાળકની સંભાળ લીધી અને હોસ્પિટલે આ જવાબદારી લીધી. જે મારા બાળકની દેખરેખ રાખી તેને મેડિકલ ખર્ચ ઉઠાવી ખૂબ સારી કામગીરી કરી છે. નિરાલી હોસ્પિટલમાં પણ ખૂબ સારી સેવા આપવામાં આવી છે તે બદલ હું એમનો આભારી છું.
