નવસારી: છેલ્લા થોડા વર્ષોથી બદલાતા મૌસમને કારણે ખેતી પ્રભાવિત થઈ રહી છે. ખાસ કરીને નહેર આધારિત ડાંગરની ખેતી કરતા નવસારીના ખેડૂતોને પાણીને લઇને મુશ્કેલી વેઠવી પડે છે. જોકે આ વર્ષે સારા વરસાદે ડેમ ભરાતા ખેડૂતોને સારા પાકની આશા બંધાઈ હતી. પણ પાછોતરા વરસાદને કારણે ઉનાળુ ડાંગરની રોપણી મોડી થઈ હતી. હવે જ્યારે ડાંગર તૈયાર થઈ છે, ત્યારે કોરોનાને કારણે જાહેર થયેલા લોકડાઉનમાં મજૂરો પોતાના વતનમાં જતા રહેતા ખેડૂતોની મુશ્કેલીમાં વધારો થયો છે. ખેડૂતો ડાંગ, તાપી, સુરત, વલસાડ જેવા પડોશી જિલ્લાઓમાંથી મજૂરો લાવવાનો પ્રયાસ કરી રહ્યાં છે, પણ કોરોનાને કારણે મજૂરોને લાવવાના નિયમોને લઇ છેલ્લા થોડા દિવસોથી ખેડૂતો કલેક્ટર કચેરીના ધક્કા ખાઈ રહ્યા છે, જેને લઇને ખેડૂતોમાં રોષ જોવા મળી રહ્યો છે.
ડાંગરમાં જેસીડ સહિતના રોગથી ખેડૂતોની ચિંતામાં વધારો 
