કોરોના મહામારીમાં શાળા-કોલેજો બંધ, પણ પ્રવાસન માટે Statue of Unity ખુલ્લું મૂકાયું

રાજ્યને પ્રવાસન ક્ષેત્રે આગવી ઓળખ અપાવવા માટે કેવડિયા સ્થિત સ્ટેચ્યુ ઓફ યુનિટી ( Statue of Unity ) બનાવવામાં આવ્યું હતું. હાલમાં કોરોનાને કારણે શાળા-કોલેજો પણ બંધ રાખવામાં આવી છે, ત્યારે અંદાજે 6 મહિનાથી પણ વધારે સમય સુધી બંધ રાખવામાં આવનારુ સ્ટેચ્યુ ઓફ યુનિટી ( Statue of Unity ) આજે મંગળવારથી ફરી વખત ખુલ્લું મૂકવામાં આવ્યું છે. જેના પરથી સરકાર અભ્યાસ અને પ્રવાસન વચ્ચે કોણે વધુ મહત્વ આપે છે, તે સ્પષ્ટપણે જાણી શકાય છે.

• એક તરફ રાજ્યમાં શાળા-કોલેજો બંધ, પણ પ્રવાસન સ્થળો ખુલ્લા
• 7 જૂને સાંજે 5 વાગ્યા સુધીમાં 209 પ્રવાસીઓએ બુકિંગ કરાવ્યું
• સરકારની બેધારી નીતિ સામે લોકો અસમંજસમાં મૂકાયા

નર્મદા: દેશભરમાં હાલ કોરોનાની બીજી લહેર ( Second Wave of Corona ) મંદ પડી રહી છે. રાજ્ય સરકાર દ્વારા કોરોનાને લઈને સ્ટેચ્યુ ઓફ યુનિટી ( Statue of Unity ) સહિતના તમામ પ્રવાસન સ્થળો અને બાળકોનું ભવિષ્ય તૈયાર કરતી શાળાઓ બંધ રાખી હતી. જોકે, હાલમાં શાળાઓ તો બંધ જ છે, પરંતુ સરકાર દ્વારા 8 જૂનથી સ્ટેચ્યુ ઓફ યુનિટી ( Statue of Unity ) અને તેમાં આવેલા અન્ય આકર્ષણો ખુલ્લા મૂક્યાં છે. શાળા-કોલેજો બંધ અને પ્રવાસન સ્થળો ખુલ્લા મૂકવાની સરકારની આ બેધારી નીતિનો લોકોમાં રોષ જોવા મળી રહ્યો છે.

કોરોનાના ડર વચ્ચે લોકો મન હળવુ કરવા પ્રવાસન સ્થળો તરફ જાય છે

ગુજરાતમાં કોરોના અગાઉ સ્ટેચ્યુ ઓફ યુનિટી ( Statue of Unity ) ખાતે એક દિવસમાં હજારો પ્રવાસીઓ આવતા હતા. કોરોનાની પ્રથમ લહેર ( First Wave of Corona ) દરમિયાન સ્ટેચ્યુ ઓફ યુનિટી ( Statue of Unity ) 6 મહિના માટે બંધ રાખવામાં આવ્યું હતું. માહોલ હળવો થયા બાદ ડરના માહોલમાં રહેતા લોકો મન હળવું કરવા માટે Statue of Unity આવતા હતા. જેથી કોરોનાની બીજી લહેર ( Second Wave of Corona ) દરમિયાન તેને ફરી વખત બંધ કરવામાં આવ્યું હતું.

SOU શરૂ થતા આસપાસના નાના ધંધાઓ પુનઃ ધમધમશે

કોરોના મહામારીને લઈને છેલ્લા સવા વર્ષથી બંધ રહેલું સ્ટેચ્યુ ઓફ યુનિટી ( Statue of Unity ) મંગળવારથી પુનઃ શરૂ થતા આસપાસમાં આવેલી નાની મોટી હોટલો, ચા-નાસ્તાની લારી-દુકાનો પણ પુનઃ ધમધમી ઉઠશે. કોરોનાને કારણે આ ધંધાદારીઓને ભારે ખોટ પડી હતી. હવે Statue of Unity ખુલતા તેમનામાં આનંદ વ્યાપી ગયો છે.

ઓનલાઈન બુકિંગના પ્રથમ દિવસે 7 હજારના લક્ષ્યાંક સામે 500 પ્રવાસીઓ

8 જૂનથી શરૂ થનારા Statue of Unity માટે 7 જૂનની સાંજે 5 વાગ્યા સુધીમાં કુલ 209 પ્રવાસીઓએ બુકિંગ કરાવ્યું હતું. જેમાં 135 લોકોએ વ્યૂઈંગ ગેલેરી અને 85 લોકોએ એક્સપ્રેસ બુકિંગ કરાવ્યું હતું. આ સિવાયની કેટલીક સુવિધાઓ માટે અલગથી ટિકિટ બુક કરાવવાની હોવાથી તંત્રના 7 હજાર પ્રવાસીઓના લક્ષ્યાંક સામે પ્રથમ દિવસે 500 જેટલા જ પ્રવાસીઓ આવે તેવી શક્યતાઓ સેવાઈ રહી છે.