ગરુડેશ્વર તાલુકાના ગાડકોઈ ગામના આંબા ફળિયામાં રહેતા બચુ ભયજી તડવીની 17 વર્ષની સગીર વય દીકરી ગત 6 જાન્યુઆરીની સવારથી ઘરે સાંજ સુધી પરત ના આવી. એટલે પરિવારને ચીંતા થઇ અને શોધખોળ હાથ ધરી પોતાના દૂર-દૂરના સગા સંબંધી તમામના ઘરે શોધખોળ કરી પરંતુ શનિવારે નર્મદા કેનાલ ઉંડાવાથી સમશેરપુરા બ્રીજ પાસેથી આ સગીરાનો મૃતદેહ મળ્યો બહાર કાઢવામાં આવ્યો હતો.
ગળે ટૂંપો દઈ હત્યા કરવામાં આવી
ત્યારે આ સગીરાના મૃતદેહને વાળ સાથે તારથી મોટો પથ્થર બાંધી કેનાલમાં નાખવામાં આવ્યો હતો. અને પોલીસે મૃતદેહ બહાર કાઢી તેનો પોસ્ટમોર્ટમ કરવામાં આવતા ગળે ટૂંપો દઈ હત્યા કરવામાં આવી હોવાનું પ્રાથમિક રીતે જાણવા મળ્યું હતુ. આ સાથે હત્યારાએ હત્યા કરીને પુરાવો નાશ કરવાની પણ કોશિશ કરી છે.
પોલીસે હત્યારાઓને પકડવા ચક્રોગતીમાન કર્યા
ત્યારે ગરુડેશ્વર PSI એ.એસ.વસાવા આ હત્યારાનું પગેરું શોધવા ચક્રો ગતિમાન કર્યા છે. હાલમાં ડોગસ્કોડ મંગાવી કેનાલથી આ હત્યારાના પગેરું શોધવા ગરુડેશ્વર પોલીસ મથી રહી છે. હજુ કોઈ ચક્ક્સ દિશા પોલીસ ને મળી નથી કે તપાસ ક્યાંથી કરી શકાય ક્યાં મારી એ મોબાઈલ વાપરતી હતી કે કેમ છેલ્લો કોનો ફોન આવ્યો હતો ઘરમાં ઝઘડો થયો હતો કે કેમ સહિતની અનેક કડીઓ પોલીસ તપાસ કરી રહી છે. હાલ અજાણ્યા ઈસમ સામે હત્યા અને પુરાવો નાસ કરવાની ફરિયાદ નોંધી પોલીસ તપાસ હાથ ધરી છે.
