જેથી હાલ ડેમના દરવાજાની મેઇન્ટેનન્સ ચાલી રહ્યું છે. જેથી આવતા મહિનાથી ગેટ સુધી પાણી પહોંચશે જો પાણીની આવક વધુ રહે અને રુલ લેવલ પાર કરે તો ગેટ ખોલવામાં કોઈ તકલીફ ના પડે તે માટે હાલ મેઇન્ટેનન્સ ચાલી રહ્યું છે.આ ગેટ વર્ષ 1995 થી તૈયાર હતા.પરંતુ ઊંચાઈને લઈને વિલંબ થવાના કારણે 22 વર્ષ આ ગેટ બેસડાયા હતા. આજે એક ખાનગી કંપનીને આ સર્વિસિંગનો કોન્ટ્રાક આપવામાં આવ્યો છે.
આજે ભરઉનાળામાં ડેમમાં 1100 મિલ્યન ક્યુબિક મીટર પાણી હોવાથી ગુજરાતની જીવા દોરી ખરેખર જીવાદોરી ચાલુ વર્ષે સાબિત થશે. આગામી વર્ષે સારું ચોમાસુ થશે તો 135 મીટરથી વધુ સપાટી વધવાની શક્યતાઓ હાલ જણાઈ રહી છે અને જેને લઈને પાણીની આવક અચાનક વધતા નર્મદા ડેમ પોતાના રુલ લેવલ પાર કરી દે તો તાત્કાલિક નર્મદા ડેમના દરવાજા ખોલવા પડે જેથી દરવાજા સરળતાથી ખુલ્લા થઇ જાય અને ઝડપથી ખુલે જામ થાય નહિ એ માટે હાલ ગ્રીસ અને ઓઇલ વડે તમામ વિભાગનું સર્વિસિંગ કરવામાં આવી રહ્યું છે.
સરદાર સરોવર ના 30 ગેટોનું સર્વિસિંગ ચાલી રહ્યું છે. એક ગેટ 100 ટન વજન જેને ખુલતા એક કલાક જેટલો સમય લાગે છે. ખાનગી કંપની દ્વારા 25 કારીગરો મૂકી પહેલા 11 ગેટો સંપૂર્ણ ખુલ્લા કરી 30 ગેટોને ગ્રીસિંગ ઓઈલિંગ કરીને 20 દિવસમાં સર્વિસ કરવામાં આવશે. 20 દિવસની કામગીરીમાં 1500 કિલો ગ્રીસ વપરાશે, 100 લીટર ઓઇલ વપરાશે ત્યારે હાલ પ્રિમોન્સુન કામગીરી યુદ્ધના ધોરણે ચાલી રહી છે.
