બનાવની મળતી માહિતી મુજબ હડમતીયા નજીક રોડ પર એક લીમડાના ઝાડ પર યુવાનનો મૃતદેહ લટકતો જોવા મળ્યો હતો. જે બનાવની ટંકારા પોલીસને જાણ કરવામાં આવી હતી અને પોલીસ ટીમે સ્થળ પર પહોંચીને મૃતદેહને નીચે ઉતારી બાદમાં પોસ્ટમોર્ટમ અર્થે હોસ્પિટલ ખસેડવામાં આવ્યો હતો.
ટંકારાના હડમતીયા નજીક વૃક્ષ પર ગળે ફાંસો ખાઈ યુવાનનો આપઘાત
જોકે મૃતક યુવાનની ઓળખ થઇ શકી નથી. જેથી પોલીસની ટીમે યુવાનની ઓળખ મેળવવા માટે તપાસના ચક્રો ગતિમાન કર્યા છે. યુવાનના હાથમાં દિલ પણ દોરેલું હોવાનું જાણવા મળ્યું છે. ટંકારા પોલીસના સુરેશભાઈ ઠોરીયા અને ભાવેશભાઈ વરમોરા બનાવ અંગે વધુ તપાસ ચલાવી રહ્યા છે.
