મોરબી પોલીસે બાઈક સ્ટંટ કરનાર બે આવારા શખ્સોને ઝડપી પાડ્યા

મોરબીના મુખ્ય માર્ગો પર ખુલ્લેઆમ બાઈક સ્ટંટ કરી પોલીસને ખુલ્લી ચેલેન્જ ફેકનાર શખ્સો સામે આખરે પોલીસે લાલ આંખ કરી છે. ત્યારે, બાઈક સ્ટંટ કરનાર બે શખ્સોને ઝડપી લઈને 4 બાઈક કબજે લીધા છે. આ સાથે, 15 વાહનચાલકો વિરુદ્ધ ગુનો નોંધી તપાસ હાથ ધરી છે.

• શહેરમાં ધૂમ બાઈક ચલાવતા વાહન ચાલકો સામે પોલીસની લાલ આંખ
• મોરબીમાં બાઈક સ્ટંટ કરનાર બે ઝડપાયા, 15 વાહનચાલકો વિરુદ્ધ ફરિયાદ
• ધૂમ બાઈક ચલાવતા બે શખ્સોને પોલીસે ઝડપી પાડ્યા

મોરબી: શહેરના મુખ્યમાર્ગો પર ધૂમ સ્ટાઈલથી બાઈક ચલાવી સ્ટંટ કરનાર યુવાનોના વિડીયો સોશિયલ મીડિયામાં વાયરલ થયા બાદ SPની સુચનાથી મોરબી સીટી એ ડિવિઝન અને બી ડિવિઝનના ટ્રાફિક પોલીસે આવારા તત્વોને ઝડપી લઈને કાર્યવાહી હાથ ધરી હતી.

આ પણ વાંચો: મોરબીમાં બાઈક સ્ટંટ કરનાર 2 ઝડપાયા, 15 વિરુદ્ધ ફરિયાદ

બાઈક સ્ટંટ કરનાર આવારા શખ્સો સામે કાર્યવાહી

વાયરલ વિડીયોમાં દેખાતા ધનરાજસિંહ શાંતુભા મકવાણાનું બાઈક GJ 11 BC 0071 અને અવેશ તૈયબ સામતાણીનું બાઈક GJ 36 H 0220 સાથે તેમજ નિયમોનો ભંગ કરતા અન્ય 4 બાઈક સાથે ઝડપી લેવાયા છે. IPC તેમજ MV એકટ મુજબ 15 વાહનચાલકો વિરુદ્ધ કાર્યવાહી કરવામાં આવી છે. તેમજ બાઈક સ્ટંટ કરનાર આવારા શખ્સો અંગે પોલીસને માહિતી આપવા અપીલ કરવામાં આવી છે.

આ પણ વાંચો: મોરબી અને લાલપર ગામ નજીક અકસ્માત, અલગ અલગ અકસ્માતમાં 2ના મોત