મોરબી: દિનપ્રતિદિન ગુનાઓના કેસોમાં વધારો થતો જાય છે, ચોરીની સાથે હત્યાના બનાવ પણ સતત વધી રહ્યાં છે. કહેવાય છે ને કે કળિયુગમાં કોઇ ભરોસા પાત્ર નથી તેવું જ ઉદાહરણ મોરબી જિલ્લામાં બન્યું છે. મોરબીના શનાળા રોડ પર આરાધના સોસાયટીમાં એક વૃદ્ધની ઘરે ચોરી કરવા માટે એક પાડોશી ઘુસી આવ્યો હતો, પરંતુ કંઇ ના મળતા તેને વૃદ્ધની હત્યાં કરવાની આંશકા લગાવામાં આવી રહી છે. પોલીસે આ મામલે વધુ તપાસ હાથ ધરી છે.
જાણો પૂરી ઘટના વિશે
હાલ અમદાવાદ સ્થિત નિમિષા વિરલ શાહે પોલીસ ફરિયાદ (Police complaint) નોંધાવી છે કે, પરિવારના સભ્યો ગોવા લગ્ન પ્રસંગમાં ગયેલા હોય અને મારા પિતા દિનેશ અમૃતલાલ મહેતા ઘરે એકલા હોય જેની જાણ હોવાથી એકલતાનો લાભ લઈને પાડોશમાં રહેતો કલ્પેશ ઉર્ફે ઘોઘા મુળજી કણઝારીયા નામનો શખ્સ ઘરમાં ચોરી કરવાના ઈરાદે (Intention to steal) બપોરના 2 વાગ્યાથી સાંજના 5 વાગ્યાની આસપાસ ઘરમાં ઘુસી આવ્યો હતો અને ચોરીની કોશિશ કરતા ઘરમાં કોઈ દાગીના રાખેલા ના હોવાથી અને દિનેશ અમૃતલાલ મહેતા વૃદ્ધ હોય અને ઘરે હાજર હોય જેથી માથામાં કોઈ તીક્ષ્ણ અથવા બોથડ પદાર્થના ત્રણ ઘા મારી ગંભીર ઈજા પહોંચાડી હતી. દિનેશ મહેતાનું મૃત્યુ થયું હતું અને હત્યા કરી (Murder In Morbi) આરોપી નાસી ગયો હતો. આ મામલે મોરબી સીટી એ ડીવીઝન પોલીસે (Morbi Police) આરોપી વિરુદ્ધ હત્યાની ફરિયાદ નોંધી વધુ તપાસ હાથ ધરી છે
દાગીના ના મળતા હત્યા કરી કે પછી અન્ય કારણ?
હત્યાના બનાવમાં મૃતકની દીકરીએ પાડોશમાં રહેતા કલ્પેશ કણઝારીયા નામના શખ્સ વિરુદ્ધ હત્યાની ફરિયાદ કરવામાં આવી છે. જેમાં આરોપી ચોરીના ઈરાદે ઘુસ્યાનું જણાવ્યું છે. જોકે ઘરમાં દાગીના ના હોય અને આરોપીને કંઈ હાથ ના લાગતા વૃદ્ધ પર હુમલો કરવામાં આવ્યો હતો કે પછી ચોરી કરતા પકડાઈ જતા વૃદ્ધ સાથે ઝપાઝપી (Melee with the elde) થઇ હતી કે વૃદ્ધને ઘા ઝીંકી હત્યા કરવામાં આવી હતી ? આ રહસ્ય પરથી પડદો તો આરોપીના ઝડપાયા બાદ જ ઉઠશે.
પાડોશમાં રહેતો આરોપી નાની મોટી ચોરી કરવાની ટેવાયેલ
ફરિયાદમાં વધુ જણાવ્યું છે કે, આરોપી પાડોશી કલ્પેશ કણઝારીયા નાની મોટી ચોરી કરવાની ટેવાયેલા હતો તેવું તેમના ધ્યાનમાં છે અને આરોપીએ ચોરીના ઈરાદે ઘરમાં ઘુસી વૃદ્ધને મોતને ઘાટ ઉતારી દીધાની આશંકા વ્યક્ત કરવામાં આવી હતી.
આ પણ વાંચો: જૂનાગઢ પોલીસે 90 લાખ કરતા વધુની સોનાની ચોરીનો ભેદ ઉકેલ્યો
આ પણ વાંચો: ગુંદરી ચેકપોસ્ટ નજીકથી 30 લાખના મુદ્દામાલ સાથે ખનીજ ચોરીની 3 ટ્રકો ઝડપાઇ
