મોરબી: મોરબીમાં ઉમા ટાઉનશીપ, વાંકાનેર અને મોરબીના વાવડી રોડ પરના ત્રણ વ્યક્તિઓ કોરોનાથી સંક્રમિત થતાં તેમને સારવાર હેઠળ ખસેડવામાં આવ્યા હતા. જ્યાં તેઓ સાજા થતા તેમને રજા આપવામાં આવી હતી.
આ ઉપરાંત અમદાવાદથી ટંકારાના જયનગર આવેલા ૩૮ વર્ષના યુવાનનો રીપોર્ટ પણ પોઝીટીવ આવતા તેને રાજકોટ હોસ્પિટલમાં સારવાર અર્થે ખસેડવામાં આવ્યો હતો અને તેના વિસ્તારને કન્ટેનમેન્ટ ઝોન જાહેર કરી દેવાયો હતો. જોકે સદનસીબે અગાઉના ત્રણ દર્દીની માફક તે પણ સ્વસ્થ થતાં હોસ્પિટલમાંથી રજા આપવામાં આવી છે. આ સાથે જ મોરબી જિલ્લો ફરીથી કોરોનામુક્ત બન્યો છે.
