નેશનલ ફૂડ સિક્યુરીટી અંતર્ગત ગરીબ પરિવારોને મળતા રાશન સહિતની સુવિધાઓથી વંચિત અરજદારો દ્વારા વર્ષ 2016 થઈ વર્ષ 2019 દરમિયાન કુલ 359 અરજી કરવામાં આવી હતી. જેમાં શહેરી વિસ્તારની 106 અને ગ્રામ્ય પંથકની 253 અરજીઓ પડતર હતી. જેના નિકાલ માટે મામલતદાર સી બી નિનામા, ટીડીઓ હાર્દિક પટેલ, ચીફ ઓફિસર ગીરીશ સરૈયા અને નાયબ મામલતદાર હસમુખ મારવાણીયા સહિતના અધિકારીઓના સાર્થક પ્રયાસને પગલે ત્રણ વર્ષથી વધુ સમયથી પેન્ડિંગ અરજીઓનો નિકાલ કરવામાં આવ્યો છે.
તેમજ હવેના સમયમાં આવનારી અરજીઓનો પણ સમયસર નિકાલ થઇ શકે તે માટે અધિકારીઓએ કટીબદ્ધતા દાખવી છે.
