મોરબીઃ જિલ્લાના વાંકાનેરના એક શખ્શે કોમી શાંતિ ડહોળાય તેવી પોસ્ટ ફેસબુક પર અપલોડ કરી હતી. જે મામલે વાંકાનેર પોલીસે ગુનો નોંધી વધુ તપાસ હાથ ધરવામાં આવતા આરોપીને ઝડપી લેવામાં પોલીસને સફળતા મળી છે.
વાંકાનેરમાં આરોપી મનસુર લાકડાવાળાએ ફેસબુકમાં આરએસએસ વિરુદ્ધ ટીપ્પણી કરતી પોસ્ટ કરી કોમી શાંતિ ડહોળાય તેવી પોસ્ટ શેર કરી હતી. આરોપી સામે વાંકાનેર પોલીસે ગુનો નોંધી પોલીસે વધુ તપાસ ચલાવી હતી અને વાંકાનેર સીટી પીઆઈ એચ.એન રાઠોડની ટીમ આરોપીને ઝડપી લેવામાં સફળતા મળી હતી. જેમાં આરોપી મન્સુર લાકડાવાલાને સીટી સ્ટેશન રોડ મહાવીર જીન સામેથી ઝડપી લઈને સરની કાર્યવાહી હાથ ધરી છે.
