સુરત અગ્નિકાંડમાં મૃત્યુ પામેલા વિદ્યાર્થીઓને મહેસાણામાં લોકડાયરાનું આયોજન કરી શ્રદ્ધાંજલિ અપાઈ

મહેસાણાઃ સુરતના અગ્નિકાંડએ સમગ્ર રાજયમાં હાહાકાર મચાવ્યો છે અને અનેક જગ્યાએ વિદ્યાર્થીઓના આત્માની શાંતિ અર્થે શ્રદ્ધાંજલિ અર્પણ કરવામાં આવી છે ત્યારે મહેસાણામાં પણ કેન્ડલમાર્ચ તથા લોકડાયરાનું આયોજન કરી અને શ્રદ્ધાંજલિ અર્પણ કરવામાં આવી.

સુરતમાં બનેલી આગની દુર્ઘટનાએ સમગ્ર રાજ્યમાં હડકંપ મચાવ્યો હતો જેમાં ઉગતા ફૂલો મુરજાયા હતા અને આજે પણ એ મનને વિચલિત કરી દે છે ત્યારે અગ્નિકાંડની ઘટના લોકોના માનસ પરથી વિસરાતી નથી ત્યારે મહેસાણામાં આવેલ તોરણવાળી મારજીના ચોક પર મોડી સાંજે કેન્ડલમાર્ચ તથા નામાંકિત કલાકારો દ્વારા લોકડાયરનું આયોજન કરી આગની દુર્ઘટનામાં અવસાન પામેલા તમામ વિદ્યાર્થીઓના શ્રદ્ધાંજલિ અર્પણ કરવામાં આવી.