મહેસાણા: એક મહામારીનો સમય એવા કોરોના વાઇરસ સામે સમગ્ર દેશ એક થઈ લડત આપી રહ્યો છે. તેવા સમયમાં સરકારી કચેરીઓમાં આવશ્યક સેવાનો પ્રવાહ અવિરત રાખી વિસનગર નગર પાલિકાના સફાઈ કામદારો અને ફાયર ફાઇટર સહિતની ટીમોએ શહેરને કોરોના સંક્રમણથી બચાવવા માટે સતત કાર્યશીલ રહી શહેરની સફાઈ, સેનેટાઇઝર કરવા સહિત જન આરોગ્ય સચવાય તે માટે વિશેષ કામગીરી કરી છે.
પોતાના જીવને જોખમમાં મૂકી નગરજનોને સેવા આપતા 23 જેટલા પાલિકા કર્મચારીઓને પાલિકાના પદાધિકારીઓ અને અધિકારીઓ દ્વારા તેમના કાર્યને બિરદાવી સન્માનિત કરવામાં આવ્યા હતા. પાલિકા દ્વારા 23 જેટલા કર્મચારીઓનું સન્માન કરી કર્મચારીઓ વધુ સારી કામગીરી કરે માટે પ્રેરણા પુરી પાડવામાં આવી છે.
વિસનગર પાલિકાએ કોરોના યોદ્ધાઓનું સન્માન કર્યું
