મહેસાણા: મહેસાણા જિલ્લામાં આવેલા વિસનગર તાલુકાના ઉમતા (Natural Farming in Umata) ગામે રાસાયણિક ખેતીથી જમીનનો બગાડ અને ઉત્પાદન ઓછું મળતા એક ખેડૂત સભ્યોના ગ્રુપ દ્વારા 800 હેકર જમીનમાં સમર્થ ફાર્મ નામે પ્રાકૃતિક ખેતીની શરૂઆત (Beginning of natural farming) કરવામાં આવી છે. આજે પ્રાકૃતિક ખેતી કરતા 3 વર્ષ થયાં છે કે તેમની ખેતી અને અંગત જીવનમાં પ્રાકૃતિક ખેતી થકી મોટો બદલાવ આવ્યો છે.
800 હેકર જમીન પર પ્રાકૃતિક ખેતીનો પ્રોજેકટ વિકસાવ્યો
ઉમતા ગામે સમર્થ ફાર્મના સંચાલક ભરતભાઈ પટેલના જણાવ્યા અનુસાર તેઓ મહારાષ્ટ્ર ખાતેથી પ્રાકૃતિક ખેતીના મોડલ જોઈ જાણી અને ઉમતા ગામે પ્રાકૃતિક ખેતીનો પ્રોજેકટ (Natural Farming Project) વિકસાવ્યો જેમાં 800 હેકર જમીન પર પ્રાકૃતિક પદ્ધતિથી પોતાના ફાર્મમાં જ પશુપાલન કરી અને તેના છાણ મૂત્રનો ઉપયોગ કરી જીવામૃત બનાવી પ્રાકૃતિક ખેતી કરી છે, જેને કારણે આજે પપૈયા, સરગવો, કરેલા અને હળદળ સહિતના અનેક 122 પ્રકારના જુદા જુદા પાકો વાવી મબલખ ઉત્પાદન મેળવી લોકલ બજારોમાં વેપાર થઈ જતા ઉત્પાદનના સારા ભાવ મેળવી આર્થિક રીતે પણ સારી સિદ્ધિ પ્રાપ્ત થઈ છે.
પ્રાકૃતિક ખેતી પ્રોજેકટની મુલાકાત રાજ્યના રાજ્યપાલ દ્વારા કરવામાં આવી
સમર્થ ફાર્મના ખેડૂત સભ્યો અને 800 હેકર જમીન પર પ્રાકૃતિક ખેતી પ્રોજેકટની મુલાકાત રાજ્યના રાજ્યપાલ દ્વારા કરવામાં આવી હતી. આ ખેડૂત સભ્યોને પ્રાકૃતિક ખેતી અંગે રાજ્યપાલનું માર્ગદર્શન અને પ્રેરણા મળતા તેઓ ગૌરવ અનુભવી રહ્યા છે.
આ પણ વાંચો:
ઔષધીયગુણોથી સમૃધ્ધ હળદરની પ્રાકૃતિક ખેતી, વર્ષે રૂપિયા 8 લાખથી વધુનું ઉત્પાદન મેળવતા ખેડૂત
