વડનગર ખાતે એક માત્ર જિલ્લાની સરકારી GMERS સરકારી હોસ્પિટલ આવેલી છે જ્યાં દર્દીઓને તેમની બીમારીનું મફત નિદાન કરવામાં આવે છે, પરંતુ આજે એક દર્દીએ આ જ હોસ્પિટલના છઠ્ઠા માળેથી પડતું મૂકી પોતાનું જીવન ટૂંકાવ્યની ઘટના સામે આવી હતી. જે ઘટનામાં મળતી માહિતી પ્રમાણે મૂળ વિજાપુરના જંત્રાલ ગામના 35 વર્ષીય યુવક જુગાજી ઠાકોર ગત તારીખ 21 એપ્રિલે વડનગરની આ હોસ્પિટલમાં સારવાર માટે આવ્યા હતા. જ્યાં તેમના આરોગ્યને જોતા તેમને સારવાર માટે હોસ્પિટલના પુરુષ વોર્ડમાં સારવાર કરાતા તેમની તબિયતમાં સુધારો થયો હતો અને તેમની આરોગ્યની સ્થિતિ સારી જણાંતા બપોરે 12 વાગ્યે હોસ્પિટલમાંથી ડિસ્ચાર્જ આપવામાં આવ્યો હતો.
જોકે તે બાદ દર્દી દ્વારા હોસ્પિટલના કર્મચારીઓની નજર ચૂકવી હોસ્પિટલના બંધ કરી રાખેલા છઠ્ઠા માળે પહોંચી જઇ નીચે પડતું મુકતા તેનું મોત નિપજ્યું છે. જેની જાણ કરતા વડનગર પોલિસે મૃતકના પરિવાર જનો ના નિવેદન આધારે મૃતક માનસિક અસ્વસ્થ રહેતો હોઇ આ પ્રકારમું પગલું ભર્યું હોવાનું પ્રથમીક તપાસમાં જણાઈ આવ્યું હતું.
