મહેસાણાઃ ગાંધીજી વ્યક્તિ નહિ પરંતુ વિચારધારા છે તેમને આપેલ સત્ય,અહિંસા,પર્યાવરણ સુરક્ષા અને સ્વચ્છતાનો સંદેશ આજે સમ્રગ માનવજાત માટે પ્રસ્તુત છે. વિકાશીલ, ઉદાર અને સર્વસમાવેશક વિચારધારા સાથે અનન્ય ગુણ ધરવાતા આ મહામાનવનો સંદેશો લોકો સુધી પહોંચે અને નાગરિકોમાં પણ જાગૃતિ આવે તે જરૂરી છે. આવા પ્રેરણાદાયી વિચાર સાથે મહેસાણા જિલ્લાના નાયબ પ્રાથમિક શિક્ષણાધિકારી દ્વારા પ્રેરણાદાયી પ્રસંગો ઇ-બુકને ઓનલાઇન મુકાયુ છે. આ ઇ-બુક દ્વારા ગાંધી જ્યંતિ નિમિત્તે જિલ્લાના શિક્ષકો દ્વારા ઓનલાઇન ક્વિઝ તૈયાર કરી સ્પર્ધાનું આયોજન કર્યું હતું.
ઓનલાઇન ક્વિઝ સ્પર્ધામાં આપેલ લિન્કમાં પુલકીત જોષી દ્વારા ગાંધીજીના પ્રેરક પ્રસંગોનું ઇ-પુસ્તક પણ મુકાયું છે. આ ક્વિઝમાં 70 ટકાથી વધુ ગુણ પ્રાપ્ત કરનારને પ્રોત્સાહિત કરવા માટે ઇ-પ્રમાણપત્ર પણ ઇ-મેઇલ દ્વારા આપવામાં આવે છે. આ ક્વિઝ બનાવવાનો હેતુ ગાંધીજીની વિચારધારા અને પ્રેરક પ્રસંગોને વિધાર્થીઓ, શિક્ષકો અને સમાજના અનેક લોકો સુધી પહોંચાડવાનો છે. મહેસાણા જિલ્લા સહિત અન્ય જિલ્લાઓમાં આ ક્વિઝને સારો પ્રતિસાદ મળ્યો છે.
મહેસાણા જિલ્લાના નાગરિકો પણ પ્રેરક સંદેશ માટે http://bit.ly/pulkitjoshi, પુસ્તક E-book સ્વરૂપે વાંચવા માટે. http://bit.ly/gandhijiebook લિન્ક અને ઓનલાઇન કવિઝ રમવા માટે (1) https://bit.ly/mahatmagandhi151 લિન્કમાં પ્રોબ્લેમ હોય તો વૈકલ્પિક લિંક (2) https://forms.gle/EYQD8KhmicBD2s9w5 સહિત બારકોડ સ્કેન કરી આ સ્પર્ધામાં ભાગ લઇ શકે છે.
આ ક્વિઝ નિર્માણમાં રાવળ વિજયભાઇ સુરપુરા પ્રાથમિક શાળા બેચરાજી અને રાવળ સિતારામભાઇ લક્ષ્મીપુરા પ્રાથમિક શાળા, ચૌધરી સુનિલભાઇ હરસંડુલ પ્રાથમિક શાળા જોટાણા, મેઘાઆલિયાસણાના શિક્ષક કિરણભાઇ ચૌધરી, સી.આર.સી અશ્વિનભાઇ ચૌધરી સહયોગ પ્રાપ્ત થયો છે.
