મહેસાણાઃ તાલુકાના લાંગણજ પોલીસને વિજાપુરના વસઈ ગામે રોડ પરથી મહેસાણા તરફ દારૂ ભરી એક કાર પસાર થવાની બાતમી મળતા પોલીસે શંકાસ્પદ કારને ઉભી રાખવા પ્રયાસ કર્યો હતો. જો કે, પોલીસને જોઈ ચાલકે કાર પરત વાળી લીધી હતી, ત્યાં પોલીસે કારનો પીછો કરતા ધાંધુસણા પાટિયા પાસે ચાલકે કાબુ ગુમાવતા કાર ડિવાઈડર પર ચડી જતા ચાલક પોલીસ પકડે તે પહેલાં કાર મૂકી ફરાર થઈ ચૂક્યો હતો.
પોલીસે કારમાં તપાસ કરતા કારમાંથી 28 હજારની કિંમતનો 147 બોટલ દારૂ, એક મોબાઈલ મળી આવ્યો હતો. જો કે પોલીસે સમગ્ર મામલે પ્રોહીબિશન એક્ટ હેઠળ ગુનો નોંધી ફરાર આરોપીની તપાસ કરતા હાલમાં દારૂ, મોબાઈલ અને કાર સહિત 3.31 લાખનો મુદ્દામાલ જપ્ત કર્યો છે.
