મહીસાગરમાં વિશ્વ આરોગ્ય દિવસની કરાઈ ઉજવણી

મહીસાગર: સેવાભાવી સંસ્થા જેસીઆઈ લુણાવાડા દ્વારા વર્લ્ડ ડાયાબિટીસ દિવસની ઉજવણી કરવામાં આવી હતી. જેના ભાગ રૂપે  મહીસાગરના લુણાવાડા બસસ્ટેન્ડમાં જાહેર સ્થળ પર મેગા ડાયાબિટીસ ચેકઅપ કેમ્પનું આયોજન કરવામાં આવ્યું હતું.

વિશ્વ આરોગ્ય દિવસની ઉજવણી મહીસાગરના લુણાવાડાની સેવાભાવી સંસ્થા જેસીઆઈ દ્વારા કરવામાં આવી હતી. જેમાં ડાયાબિટીસ મુક્ત ઇન્ડિયાના સ્લોગન સાથે ફ્રી મેગા ડાયાબિટીસ કેમ્પનું આયોજન ભગવતી આયુર્વેદિકના ડૉક્ટર અને લેબ ટેક્નિસ્યનના સહયોગથી લુણાવાડા બસસ્ટેન્ડમાં જાહેરસ્થળ પર કરવામાં આવ્યું હતું.

આ સાથે ફ્રી ડાયાબિટીસ ચેકઅપ કેમ્પમાં સ્ત્રી-પુરુષ થઈને કુલ 168 લોકોનું ચેકઅપ ફ્રીમાં કરીને રિપોર્ટ આપવામાં આવ્યો હતો. તેમજ જરૂરી માર્ગદર્શન આપીને વિશ્વ આરોગ્ય દિવસની ઉજવણી કરવામાં આવી હતી.