- જિલ્લા પંચાયતની 28 બેઠક પર ચૂંટણી યોજાઈ હતી
- તાલુકા પંચાયતની 126 બેઠક પર ચૂંટણી યોજાઈ હતી
- જિલ્લા પંચાયતમાં 22 બેઠકો પર ભાજપે જીત મેળવી
- જિલ્લા પંચાયતમાં 6 બેઠક પર કોંગ્રેસનો વિજય થયો
મહિસાગરઃ સ્થાનિક સ્વરાજની ચૂંટણી 28 ફેબ્રુઆરીના રોજ મતદાનની પ્રક્રિયા યોજાઈ હતી. જેની મતગણતરી 2 માર્ચને મંગળવારના રોજ મતગણતરી હાથ ધરવામાં આવી હતી. જિલ્લા-તાલુકા પંચાયતનું પરિણામ આવતા મહિસાગર જિલ્લા પંચાયતમાં 22 બેઠકો પર ભાજપે જીત મેળવી છે. જ્યારે 6 બેઠક પર કોંગ્રેસનો વિજય થયો છે. તમામ 6 તાલુકા પંચાયતની બેઠકો ભાજપે કબજે કરી છે. જિલ્લા પંચાયતની 28 અને 6 તાલુકા પંચાયતની 126 બેઠક પર સ્થાનિક સ્વરાજની ચૂંટણીમાં ભાજપ, કોંગ્રેસ, BTP, AAP તથા અપક્ષ ઉમેદવારોએ પોતાની ઉમેદવારી નોંધાવી હતી.
