મહીસાગરમાં કોરોનાનો એકપણ દર્દી સારવાર હેઠળ નહીં , રિકવરી રેટ 95.2 ટકા

કોરોના વાઇરસની સામે લડવા માટે જિલ્લા આરોગ્યતંત્ર દ્વારા અનેક વિધ પગલાં ભરવામાં આવી રહ્યા છે. જેમાં જિલ્લામાં કોરોનાની સ્થિતિમાં હાલમાં સુધારો થતો જોવા મળી રહ્યો છે. ગઈકાલે 3 દર્દીઓ સાજા થતાં તેઓને ડીસ્ચાર્જ કરાયા છે. જેમાં સંતરામપુર તાલુકાના 2 અને ખાનપુર તાલુકાના 1 દર્દીનો સમાવેશ થાય છે. આ સાથે ડીસ્ચાર્જનો રિકવરી રેટ 95.2 ટકા પર પહોંચ્યો છે.

મહીસાગર : જિલ્લામાં અત્યાર સુધીમાં કોરોના (કોવિડ-19)ના 125 પોઝીટીવ કેસ નોંધાયા છે. જેમાં ગઈકાલે 3 દર્દીઓ સ્વસ્થ થઈને ઘરે પરત ફર્યા છે. જેમાં સંતરામપુર તાલુકાના 2 અને ખાનપુર તાલુકાના 1 દર્દીનો સમાવેશ થાય છે. જિલ્લામાં કોરોના સંક્રમણને પગલે 2 વ્યક્તિના મોત નિપજ્યા છે.

જિલ્લામાં અત્યાર સુધીમાં કોરોનાના કુલ 125માંથી 119 દર્દીઓ કોરોનાને માત આપી ચુક્યા છે. આ સાથે રિકવરી રેટ 95.2 ટકા પર પહોંચ્યો છે. હાલમાં જિલ્લામાં કોરોના પોઝીટીવના 4 દર્દી એક્ટીવ છે. જેમાં જિલ્લાની કોવિડ-19 હોસ્પિટલ ખાતે એક પણ દર્દી હાલમાં સારવાર હેઠળ નથી. કોરોનાના 4 દર્દીઓ જિલ્લા બહાર સારવાર હેઠળ છે.

ગ્રાફ