લુણાવાડા: શુક્રવારના રોજ જિલ્લામાં વધુ 14 કોરોના પોઝિટિવ કેસમાંથી જિલ્લાના વડા મથક લુણાવાડામાં 6 કેસ, વિરપુર-1, અને બાલાસિનોરમાં -7 કેસ નોંધાયા છે. શુક્રવારના રોજ 2 કોરોના દર્દીના મોત નીપજ્યા છે. અત્યાર સુધીમાં જિલ્લામાં કુલ મૃત્યુ આંક 19 નોંધાયો છે. કેસની સંખ્યા વધતાં આરોગ્ય વિભાગ સતર્ક બન્યું છે. જોકે અત્યાર સુધીમાં 309 કેસમાંથી 194 દર્દીઓ કોરોનાને હરાવી ચુક્યા છે.
જિલ્લામાં કોરોના પોઝિટિવના કારણે 47 દર્દીઓ કે.એસ.પી. હોસ્પિટલ-બાલાસિનોર, તેમજ અન્ય 49 દર્દીઓ જિલ્લા બહાર સારવાર લઈ રહ્યા છે. કોરોના પોઝિટિવ દર્દીઓ પૈકી 96 દર્દીઓ સ્ટેબલ અને 9 દર્દીઓ ઓક્સિજન પર અને 1 દર્દી વેન્ટીલેટર પર છે.
