મહિસાગરઃ જિલ્લાના વીરપુર તાલુકામાં કલેકટર દ્વારા જાહેર કરવામાં આવેલા કન્ટેઇન્મેન્ટ વિસ્તારમાં બાર, બારોડા, ભરોડી, રોઝાવ, વિરપુર અને ખેરવા ગામો ખાતે નિયામક આયુષ કચેરી ગાંધીનગર અને જિલ્લા આર્યુવેદીક અધિકારી મહીસાગર દ્વારા સરકારી આયુર્વેદિક દવાખાનું વીરપુરના વૈદ સંજય ભોઇ દ્વારા આયુષની ગાઇડલાઇન અનુસાર કન્ટેઇન્મેન્ટ વિસ્તારના ગામોમાં 450 લીટરથી વધુ આયુર્વેદિક ઉકાળો તૈયાર કરી પાંચ દિવસમાં અંદાજે 8,000થી વધુ ગ્રામજનોને પીવડાવવામાં આવ્યો છે.
જેના થકી આ વિસ્તારના ગ્રામજનોની રોગપ્રતિકારક શક્તિમાં વધારો કરી કોરોના વાઇરસ સામે સુરક્ષિત રાખી શકાય. ત્યારે લોકોએ આયુર્વેદિક ઉકાળો પીને કોરોના સામે લડત આપવા મક્કમ નિર્ધાર કર્યો છે.
