મહીસાગર: બાલાસિનોર નગર તેમજ આસપાસના વિસ્તારમાં છેલ્લા એક અઠવાડિયાથી વધી રહેલા કોરોના પોઝિટિવ કેસથી ચિંતિત બાલાસિનોરના વિવિધ વેપારી, એસોસિએશન અને અગ્રણીઓની મામલતદાર વી.વી.વાળાની કચેરી ખાતે મિટિંગ મળી હતી.
જેમાં નગરના વિવિધ વેપારી એસોસિએશને વધતી જતી કોરોના કેસની સંખ્યાને ધ્યાનમાં રાખીને 18 જુલાઈથી 20 જુલાઈ સુધીના ત્રણ દિવસ માટે બાલાસિનોરમાં જનતા કર્ફ્યૂ રાખવા પ્રાંત અધિકારીને ઉદ્દેશી આવેદન આપ્યું છે.
નગરપાલિકા ચીફ ઓફિસર ભદ્રેશ પટેલ, પી.આઈ. એમ.બી.મછાર, તેમજ વેપારીઓ, અગ્રણીઓએ નગરજનોના હિતમાં જનતા કરફ્યુ સફળ બનાવવા નગરજનોને પણ આ જનતા કર્ફ્યૂમાં સાથ-સહકાર આપી સફળ બનાવવા વિનંતી કરી હતી.
