મળતી વિગતો મુજબ ઉપરાષ્ટ્રપતિ વેંકૈયા નાયડુ ગુજરાતમાં પોલીસ વિભાગના કાર્યક્રમ માટે આણંદ આવશે. આણંદથી ગાંધીનગર થઇને રવિવારે સાંજે 4 વાગ્યે ભૂજ પહોંચશે. ભુજ એરપોર્ટથી હેલિકોપ્ટર મારફતે ધોરડો જશે. ગુજરાતના મુખ્યપ્રધાન વિજય રૂપાણી, પ્રવાસન પ્રધાનો ગણપતભાઇ વસાવા, વાસણભાઇ આહીર તથા પ્રવાસન સચિવ મમતા વર્મા તેમનું સ્વાગત કરશે.
સફેદ રણની ટેન્ટસિટીમાં રજવાડી કલ્સ્ટરમાં તેઓ રોકાણ કરવાના છે. ત્યાંના વિવિધ કચ્છની કલા-કારીગીરીના સ્ટોલની મુલાકાત લેશે અને રાત્રે રણમાં સાંસ્કૃતિક કાર્યક્રમ માણશે. ઉપરાષ્ટ્રપતિ રાત્રિ રોકાણ ધોરડોમાં કર્યા બાદ સવારે 8 વાગ્યે હેલિકોપ્ટરથી ભુજ અને ભુજથી દિલ્હી જવા રવાના થશે. તેવી માહિતી સતાવાર રીતે મળી રહી છે. જે દરમિયાન ઉપરાષ્ટ્રપતિની મુલાકાતે પગલે કચ્છનું તંત્ર જિલ્લા કલેકટર એમ. નાગારાજનના માર્ગદર્શનમાં આયોજન અને તૈયારીઓ કરી રહ્યું છે.
