કચ્છઃ આગામી ચોમાસાને ધ્યાનમાં રાખીને તેમજ હાલમાં ફેલાયેલી કોરોના વાઇરસ કોવીડ-19 વૈશ્વિક મહામારી હેઠળ આગામી ચોમાસાના સંદર્ભમાં આનુષંગિક આયોજન કરવા પ્રિ-મોન્સુન બેઠક યોજાઇ હતી. ચોમાસાની આકસ્મિક પરિસ્થિતિ તેમજ લોકડાઉનના સંજોગોમાં લોકોને જીવન જરૂરી વસ્તુઓનો પુરવઠો સરળતાથી ઉપલબ્ધ રહે તે ધ્યાનમાં લેવા જણાવ્યું હતું.
આગામી ચોમાસાને ધ્યાનમાં તેમજ હાલમાં ફેલાયેલી કોરોના વાઇરસ કોવીડ-19 વૈશ્વિક મહામારી હેઠળ આગામી ચોમાસાના સંદર્ભમાં આનુષંગિક આયોજન કરવા, અને કોવીડ-19 ગાઇડલાઇન્સને ધ્યાનમાં રાખી દરેક પરિસ્થિતિમાં જિલ્લાના તમામ વિભાગોનાં સંકલનમાં સુચારૂ વ્યવસ્થા નિર્ધારિત કરવા જિલ્લા તંત્રની કલેકટર પ્રવીણા ડી.કે.ના અધ્યક્ષસ્થાને ભુજ ખાતે પ્રિ-મોન્સુન બેઠક અને વી.સી. યોજાઇ હતી.
બેઠકમાં નિવાસી અધિક કલેકટર કુલદીપસિંહ ઝાલા દ્વારા મીટીંગની કાર્યવાહી શરૂ કરવામાં આવી હતી. ત્યારબાદ ડીઝાસ્ટર મામલતદાર સી.આર.પ્રજાપતિ દ્વારા ચોમાસા તેમજ કોવીડ-19ની સ્થિતિને લગતા સામાન્ય મુદા્ઓ હાજર રહેલા તમામને માહિતગાર કર્યા હતા. ઉપસ્થિત તમામ વિભાગના અધિકારીઓ દ્વારા આગામી ચોમાસાને લગતા તેમજ ચોમાસા અન્વયે કોવીડ-19ની સહ સ્થિતિ હેઠળ વિવિધ મુદા્ઓ પર વિગતવાર ચર્ચા કરી હતી.
ચોમાસાની સામાન્ય પરિસ્થિતિ તેમજ આકસ્મિક પરિસ્થિતિઓને પહોંચી વળવા તેમજ હાલની કોવીડ-19ની પરિસ્થિતિ સંદર્ભમાં તકેદારીઓ અને નિયંત્રણ અન્વયે જિલ્લાના તમામ વિભાગોને કલેકટર, કચ્છ દ્વારા યોગ્ય કામગીરી કરવા સૂચના અપાઇ હતી. હાલમાં ફેલાયેલા કોરોના વાઇરસ ૯ વૈશ્વિક મહામારી અંતર્ગત આગામી ચોમાસા દરમિયાન કચ્છ જિલ્લામાં કરવાની થતી તમામ પ્રકારની કાર્યવાહી દરમિયાન કોવીડ- 19 સબબની તકેદારી જળવાઇ રહે તે સુનિશ્ચિત કરવા કલેકટરએ ઉપસ્થિત તમામને સૂચના આપી હતી.
ચોમાસા દરમિયાન આકસ્મિક સંજોગોમાં સ્થળાંતર કરાવવાની ફરજ પડે ત્યારે સ્થળાંતરની સાથોસાથ સોશિયલ ડીસ્ટન્સીંગનો પણ ચુસ્તપણે પાલન થાય તે ધ્યાને લેવું. આ સિવાય ચોમાસાની કોઇપણ સ્થિતિમાં કોવીડ-19 સબબના સુરક્ષા માપદંડો જળવાઇ રહે તે ખાસ ધ્યાનમાં રાખવું.
આ વિગતે નેશનલ ડીઝાસ્ટર મેનેજમેન્ટ ઓથોરીટીની સૂચનાઓ ધ્યાનેલેવા અંગે સૂચનાઓ આપવામાં આવી હતી. જો લોકોને આશ્રયસ્થાનો પર રાખવાના થાય. તેવા સંજોગોમાં આશ્રયસ્થાનો પર રાખવામાં આવેલા વ્યકિતઓને સમાવવાની કુલ ક્ષમતાના આશરે 60 ટકા જેટલા જ વ્યકિતઓને આશ્રયસ્થાન પર રાખવામાં આવે તે સુનિશ્ચિત કરવું.
ઉપલબ્ધ આશ્રયસ્થાનોનો સશિયલ ડીસ્ટેન્સીંગના સંદર્ભમાં પુનઃ અવલોકન કરવું તેમજ તે મુજબ આગોતરૂં આયોજન કરવા ચર્ચા કરાઈ હતી. ઉપરાંત આકસ્મિક સ્થળાંતર કે, આશ્રયસ્થાન પર લોકોને ખસેડવાના કિસ્સામાં લોકો દ્વારા હેન્ડ સેનિટાઈઝેશન, માસ્ક ગ્લોવજનો ઉપયોગ કરવામાં આવે તે સુનિશ્ચિત કરવું.
વધુમાં લોકો દ્વારા ઉપયોગમાં લેવામાં આવેલ માસ્ક તેમજ અન્ય મેડીકલ સાધનોનો યોગ્ય રીતે નિકાલ થાય. જેથી અન્ય રોગચાળાની સ્થિતિ ન સર્જાય તેની તકેદારી લેવાની વ્યવસ્થા સુનિશ્ચિત કરવી. ચોમાસાની આકસ્મિક પરિસ્થિતિ તેમજ લોકડાઉનના સંજોગોમાં લોકો જીવન જરૂરી વસ્તુઓનો પુરવઠો સરળતાથી ઉપલબ્ધ રહે તે ધ્યાનમાં લેવા જણાવ્યું હતું.
