કલેકટર કચેરીના કોન્ફરન્સ હોલ ખાતે જિલ્લા વહીવટીતંત્ર દ્વારા જિલ્લા કલેકટર રેમ્યા મોહનના અધ્યક્ષપદે યોજાયેલા કાર્યક્રમ અંતર્ગત બિનખેતી સહિતના 97 જેટલાં પરવાનગી કેસમાં અપાયેલા મંજૂરી હુકમમાં ખેતીની જમીન બિનખેતીમાં ફેરવવા માટેની માંગણીઓના હુકમ ઉપરાંત મીઠા ઉદ્યોગ માટે ભાડા પટ્ટે જમીન આપવા તથા ભાડાપટ્ટા રીન્યુ કરવા, સરકારી કર્મચારી-અધિકારીઓને રહેણાંકના હેતુ માટેના પ્લોટના હુકમ, શૈક્ષણિક સંસ્થાઓને જમીન ફાળવણીના હુકમ, ઔદ્યોગિક હેતુ માટે જમીન ફાળવણી હુકમ, ગણોતધારાની કલમ-89-89(ક)ના હુકમ, ખેતીની જમીનમાં રહેલા માપણી વધારા નિયમિત કરવાના હુકમ, સરકારી જમીન વિન્ડફાર્મ માટે ફાળવવાના હુકમ અને ગેટકોના જીઈબીના હુકમનો સમાવેશ થતો હતો.
‘ઓપન હાઉસ’ કાર્યક્રમમાં જિલ્લા કલેકટરે અરજદારના કામનું સરળતાથી અને પારદર્શક રીતે નિરાકરણ લાવવાનો હેતુ સમાયેલ હોવાનું જણાવી અરજદારોને રાજય સરકારની વિવિધ યોજના વિશે વિસ્તૃત ખ્યાલ આપી ઓનલાઇન માંગણીઓ સંદર્ભે અરજદારોને કોઈ મુશ્કેલી હોય તો તે બાબતે ગમે ત્યારે રૂબરૂ મૂલાકાત કરીને વિશેષ જાણકારી મેળવવાનું જણાવી અરજદારોના પ્રતિભાવો પણ જાણ્યા હતા.
