ભુજીયા ડુંગરની તળેટીમાં પ્રધાન વાસણ આહીરના 62માં જન્મદિને સચ્ચિદાનંદન મંદિરના મહંત ત્રિકમદાસજી મહારાજને સ્મૃતિવનને નંદનવન સમું બનાવવાના કાર્યની પ્રાપ્તિ થયેલ છે, એવા મંગલકાર્યના શ્રીગણેશ કરાયાં હતા. જિલ્લા કલેકટર રેમ્યા મોહનના માર્ગદર્શન હેઠળ વન વિભાગ, જીએસડીએમએ, બીકેટી, વેલસ્પન, અદાણી ફાઉન્ડેશન જેવી સંસ્થાઓના સહયોગે હવે ભુજીયા ડુંગરને નંદનવન બનાવવા અને બ્યુટીફિકેશનના કાર્યનું બીડું ઝડપી લેવામાં આવશે તેવી આ તકે ઘોષણા કરવામાં આવી હતી.
વાસણભાઇ આહિરે જણાવ્યું કે, સતાપર મુકામે ગોવર્ધન પર્વતને હરિયાળો બનાવી ત્રિકમદાસજી મહારાજે પ્રધાનમંત્રી નરેન્દ્રભાઈ મોદીના ડ્રીમ પ્રોજેકટ ભુજીયા ડુંગરને હવે નંદનવન બનાવવાનું બીડું ઝડપ્યું છે, ભુજીયો ડુંગર કચ્છની અણમોલ વિરાસત છે, ૧૫૧ કરોડના ખર્ચની સામે ૪૫૦ કરોડથી વધુનો ખર્ચ વિવિધ પ્રોજેકટોમાં થઇ ગયો છે. ભુજીયા ડુંગર પ્રવાસીઓ માટે દુનિયાભરમાં નમૂનેદાર તો બનશે જ સાથો-સાથ રોજગારીની અનેકતકો સર્જાશે. ભાવિ પેઢીનું આવકનું સાધન બની જશે. ૨૦૦૧ના ભૂકંપમાં ૧૪૦૦૦ દિવંગતોના નામો ત્રણ ભાષામાં લખાશે, જેથી સ્નેહીજનોની કાયમી સ્મૃતિ સદીઓ સુધી જળવાઇ રહેશે.
જિલ્લા કલેકટર ભારત સરકાર અને રાજય સરકારનો ભુજીયો ડુંગર વિકાસનો અગત્યનો પ્રોજેકટ છે, તેમ જણાવી આ સુંદર કાર્યમાં ઔદ્યોગિક ગૃહો, એનજીઓ, ધાર્મિક સંસ્થાઓ બધા પોતાનો ફાળો આપવા આગળ આવ્યાં છે. બીકેટી, વેલસ્પન, અદાણી જેવી વધુ સંસ્થાઓ પણ આ કાર્યમાં આગળ આવશે. માર્ગ-મકાન વિભાગ, વન વનવિભાગ વગેરે દ્વારા પણ રાત-દિવસ કાર્ય કરાઇ રહ્યું હોવાનું તેમણે જણાવ્યું હતું.
