કચ્છ : રાજ્યના હવામાનમાં છેલ્લાં થોડાં દિવસો બાદ ફરીથી તાપમાનમાં (Gujarat Weather Report) નોંધપાત્ર ફેરફાર થયો છે. તો હવામાન વિભાગની આગાહી મુજબ આજે ઠંડીનો (Cold Temperature in Gujarat) પારમાં 4 થી 5 ડિગ્રી સુધી નોંધપાત્ર ફેરફાર થયો છે. તમામ જિલ્લાઓમાં ગઈ કાલ કરતા આજ તાપમાનનો પારો નીચે સરક્યો છે.
રાજ્યમાં 6 ફેબ્રુઆરી વેસ્ટર્ન ડિસ્ટર્બન્સની અસર વર્તાશે
વેસ્ટર્ન ડિસ્ટર્બન્સની અસરના પગલે આગામી બે દિવસ માછીમારોને દરિયો ન ખેડવાની સૂચના આપવામાં આવી છે. રાજ્યમાં 6 ફેબ્રુઆરી વેસ્ટર્ન ડિસ્ટર્બન્સની અસર (Effect of Western Disturbances) વર્તાશે. પરિણામે માછીમારોને દરિયો ન ખેડવાની ચેતવણી આપવામાં આવી છે. દરિયા કાંઠે તેજ પવન ફૂંકાવાની શક્યતા છે.
આ પણ વાંચોઃ Cold wave in Gujarat: જાણો શિયાળામાં પશુઓની દૂધ ઉત્પાદન ક્ષમતા જાળવી રાખવા શું કરવું !
ગાંધીનગર - નલિયામાં પારો સિંગલ ડિજિટમાં
રાજ્યના જિલ્લાઓમાં લઘુત્તમ તાપમાનનો પારામાં નોંધપાત્ર ફેરફાર જોવા મળ્યો છે. તમામ જિલ્લાઓમાં તાપમાનનો પારો 8 ડિગ્રીથી 15 ડિગ્રી વચ્ચે નોંધાયો છે. તો સૌથી ઓછું તાપમાન ગાંધીનગર ખાતે 8.7 નોંધાયું છે. ત્યારબાદ ઓછું તાપમાન નલિયા ખાતે 8.9 ડિગ્રી નોંધાયું છે. તો આજે સમગ્ર રાજ્યમાં ખુલ્લું વાતાવરણ જોવા મળશે.
ગુજરાતના શહેરોમાં લઘુતમ તાપમાન (ડિગ્રીમાં)
| જિલ્લા | તાપમાન |
| અમદાવાદ | 10.5 |
| ગાંધીનગર | 8.7 |
| રાજકોટ | 14.2 |
| સુરત | 17.4 |
| ભાવનગર | 13.6 |
| જૂનાગઢ | 13.0 |
| બરોડા | 12.6 |
| નલિયા | 8.9 |
| ભુજ | 14.4 |
| કંડલા | 12.4 |
