કચ્છઃ છેલ્લા ત્રણેક દિવસથી રાજ્યના તમામ જિલ્લાઓમાં ઠંડીનું (Cold Temperature in Gujarat) પ્રમાણ વધ્યું હતું. ઠંડા અને સૂકા પવન અનુભવાયા હતા. પરિણામે દિવસભર લોકો ગરમ વસ્ત્રો પહેરવાની ફરજ પડી હતી. તો ઠેર ઠેર લોકો તાપણું કરતા નજરે પડ્યા હતા. આ ઉપરાંત હવામાન વિભાગની આગાહી મુજબ અનેક જિલ્લાઓમાં કોલ્ડ વેવની (Cold wave in Gujarat) અસર વર્તાઈ હતી. તો રાજ્યમાં ઉત્તર પશ્ચિમમાં ઠંડા પવન ફૂંકાતા પારો નીચે સરક્યો હતો.
આજે રાજ્યના શિત મથક નલિયામાં સૌથી ઓછું તાપમાન નોંધાયું
હવામાન વિભાગ (Meteorological Department in Gujarat) દ્વારા આજે રાજ્યના જિલ્લાઓમાં 5 ડિગ્રીથી 14 ડિગ્રી લઘુત્તમ તાપમાન નોંધાયું હતું. તો સૌથી ઓછું તાપમાન રાજ્યના શિતમથક કચ્છના નલિયા ખાતે 5.2 ડિગ્રી તાપમાન નોંધાયું છે. બાકીના જિલ્લાઓમાં ઠંડીનું પ્રમાણ અગાઉ કરતાં પ્રમાણમાં વધ્યું હતું.
આ પણ વાંચોઃ winter woolen market in Junagadh: જુનાગઢમાં વધી રહેલી ઠંડીના કારણે ગરમ કપડાંની માર્કેટમાં જોવા મળી તેજી
ગાંધીનગર, રાજકોટ અને કચ્છ જિલ્લામાં કોલ્ડવેવની અસર વર્તાશે
આજે ગુજરાતના મહાનગર ગાંધીનગર, રાજકોટ અને સરહદી જિલ્લા કચ્છના નલિયા તેમજ કંડલા ખાતે કોલ્ડવેવની અસર વર્તાશે. તો શીતલહેર લઈ તકેદારી રાખવા માટે હવામાન વિભાગ દ્વારા અપીલ (Gujarat Weather Report) પણ કરવામાં આવી છે. આ સિવાયના અન્ય જિલ્લાઓમાં ખુલ્લું વાતાવરણ પણ જોવા મળશે.
ગુજરાતના મહાનગરોમાં લઘુતમ તાપમાન (ડિગ્રીમાં)
| શહેર | તાપમાન |
| અમદાવાદ | 10.0 |
| ગાંધીનગર | 7.0 |
| રાજકોટ | 10.3 |
| સુરત | 13.2 |
| ભાવનગર | 14.0 |
| જૂનાગઢ | 8.0 |
| બરોડા | 10.0 |
| નલિયા | 5.2 |
| ભુજ | 9.9 |
| કંડલા | 10.6 |
આ પણ વાંચોઃ Cold wave in Gujarat: જાણો શિયાળામાં પશુઓની દૂધ ઉત્પાદન ક્ષમતા જાળવી રાખવા શું કરવું
