- ભુજ તાલુકામાં ફળોના ભાવ નિયંત્રિત કરવામાં આવ્યા
- કોરોનાની મહામારીને ધ્યાનમાં રાખીને ફળોના ભાવ નક્કી કરાયા
- હોલસેલ વેપારીઓ તથા શેરી ફેરીયાઓ સહમત થયા
ભુજ: ક્ચ્છમાં કોરોનાના કેસો વધી રહ્યા છે ત્યારે રોગપ્રતિકારક શક્તિ વધારવા ફળોની માંગ વધી છે,જોકે બજારમાં સફરજન, સંતરા, મોસંબી સહિતના ફળોના મોટા ભાવ વસુલવામાં આવે છે. કોરોનાના વધતા કેસો વચ્ચે દર્દીઓ માટે રાહતરૂપ સમાચાર સામે આવ્યા છે ભુજ તાલુકામાં ફળોના ભાવ નિયંત્રિત કરવામાં આવ્યા છે.
ફળોના ભાવ નક્કી કરવામાં આવ્યા
પ્રાંત અધિકારી મનીષ ગુરવાનીની સૂચના બાદ ફળોના વેપારીઓ અને તંત્રની મીટીંગમાં ફળોના ભાવ નક્કી કરાયા હતા.આ બેઠકમાં મામલતદાર દ્વારા હાલમાં કોવિડ 19 અંતર્ગત મહામારીને કારણે દર્દીઓને ફળોની જરૂરિયાત રહેતી હોય છે ત્યારે હાલમાં બજારમાં બજારભાવ કરતાં વધુ ભાવ ન લેવા બાબતે નક્કી કરવામાં આવ્યું હતું.
તમામ વેપારીઓ દ્વારા ફળોના ભાવમાં હોલસેલ તથા રિટેલરમાં બજાર વધઘટ થતી હોય છે તેથી ફળોના ભાવમાં વધારો તથા ઘટાડો થતો હોય છે બજારભાવ કરતાં વધારે ભાવ નહીં લેવામાં આવે તેવું ફળોના જથ્થાબંધ તેમજ શહેરી ફેરિયા સંગઠનો તરફથી સંમતિ આપવામાં આવી હતી અને ફળોના ભાવ નીચે મુજબ જણાવવામાં આવેલ છે.
ફળ:. હાલના ભાવ
| ફળ | હાલના ભાવ |
| સફરજન | 180થી 210 |
| મોસંબી | 80થી 110 |
| દાડમ | 60થી 80 |
| ચીકુ | 25થી 30 |
| નાળિયેર | 60 |
| અનાનસ | 60 |
| તડબૂચ | 15થી 20 |
| સક્કરટેટી | 20 |
| દ્રાક્ષ | 80થી 100 |
| સંતરા | 130થી 150 |
| ફળ | અગાઉના ભાવ |
| સફરજન | 220થી 250 |
| મોંસબી | 120 થી 160 |
| દાડમ | 90 થી 120 |
| ચીકુ | 40 થી 60 |
| નાળિયેર | 80 |
| અનાનસ | 70 થી 80 |
| તડબૂચ | 25 થી 30 |
| સક્કરટેટી | 30 |
| દ્રાક્ષ | 100 થી 120 |
| સંતરા | 150 થી 170 |
રમઝાન મહિનાની પણ અસર
શેરી ફેરિયા સંગઠન ના પ્રમુખે ETV Bbharat સાથે વાતચીત કરતાં જણાવ્યું હતું કે, હાલમાં કોરોનાની મહામારી ચાલી રહી છે આ ઉપરાંત રમજાન મહિનો ચાલી રહ્યો છે ત્યારે ફળોની માંગમાં ખૂબ વધારો જોવા મળી રહ્યો છે અને ભાવ પણ ઊંચા હોતા મામલતદાર દ્વારા એક મિંટિંગ બોલાવવામાં આવી હતી અને ભાવ નિયંત્રિત કરવામાં આવ્યા હતા જેમાં તમામ વેપારીઓએ સહમતી દર્શાવી હતી.
મીટીંગમાં નક્કી થયા ભાવ
ભુજ ગ્રામ્ય મામલતદાર વિવેક બારહટે જણાવ્યું કે,શેરી ફેરિયા,હોલસેલ વેપારી,તોલમાપ અને નગરપાલિકા સાથે મીટીંગ યોજાઈ હતી તેમજ હાલમાં બજારમાં ચાલતા ભાવો નોટ કરવામાં આવ્યા છે જેનાથી વધુ ભાવે ફળોનું વેચાણ થઈ શકશે નહીં.આ માટે તમામને સમજાવવામાં આવ્યા છે.
