GK હોસ્પિટલમાં મ્યુકોરમાઇકોસિસના દાખલ ત્રણ લોકોને અપાઈ દાંતની સારવાર

ગુજરાતમાં મહામારી જાહેર થયેલા મ્યુકોરમાઇકોસિસ નામની બિમારી આંખ, કાન, નાક, મગજ અને મોઢાને અસર કરે છે, ત્યારે કાન, નાક અને ગળા સહિતના તમામ સંલગ્ન વિભાગો પણ આ રોગની ઓળખ માટે સક્રિય થયા છે. આ સાથે કચ્છમાં આવેલી અદાણી સંચાલિત GK હોસ્પિટલનો ડેન્ટલ વિભાગ પણ આ સારવારમાં જોડાયો છે. GK હોસ્પિટલમાં દાખલ 3 મ્યુકોરમાઇકોસિસના દર્દીઓને બુધવારના રોજ દાંતની સારવાર આપવામાં આવી હતી.

• GK હોસ્પિટલમાં બ્લેક ફંગસના દાખલ પૈકી 3 દર્દીને અપાઈ દાંતની સારવાર
• GK હોસ્પિટલનો દંત વિભાગ પણ સક્રિય બની સંભવિત કેસ ENTને રિફર કરાય છે
• જરૂર લાગે તો કેસમાં દાંત કાઢી નાંખવામાં આવ્યા છે
• દાંતના દર્દીઓનો નિદાન કરતી વખતે મ્યુકોરમાઇકોસિસની સંભાવિત અસર

કચ્છ : GK હોસ્પિટલમાં દાંતની તપાસ માટે અને દુઃખાવાની ફરિયાદ સાથે આવતા દર્દીઓની સારવાર, નિદાન કરતી વખતે મ્યુકોરમાઇકોસિસની સંભાવિત અસર પર પણ ધ્યાન કેન્દ્રિત કરવામાં આવે છે. આ તપાસ દરમિયાન જો દાંત સબંધિત બ્લેક ફંગસના લક્ષણો દેખાય તો દર્દીને સારવાર ઉપરાંત ENT વિભાગનો સંપર્ક સાધવા વિનંતી કરવામાં આવે છે. આ સાથે જરૂરી એક્સ-રે જેવા રિપોર્ટ પણ કરાવવામાં આવે છે. મ્યુકોરમાઇકોસિસ રોગની યથાર્થતા માટે અંતિમ નિર્ણય ENT વિભાગ કરે છે.

જરૂર જણાય તેવા કેસોમાં દાંત કાઢી નાંખવામાં આવ્યા છે

અત્યાર સુધી દાખલ થયેલા ત્રણ મ્યુકોરમાઇકોસિસના કિસ્સામાં પણ દાંતની જરૂરી સારવાર આપવામાં આવી છે. જેમાં જરૂર જણાય તેવા કેસોમાં દાંત કાઢી નાંખવામાં આવ્યા હતા.

મ્યુકોરમાઇકોસિસ અંગે દાંતના લક્ષણો

મ્યુકોરમાઇકોસિસ છે કે કેમ એ દાંત પરથી સંભવિત નિદાન કરવા લક્ષણો પર ધ્યાન કેન્દ્રિત કરવામાં આવે છે. આ લક્ષણોમાં દાંતના ઉપરના ભાગમાં પેઢા ઉપર સોજા આવવા, મોઢાની બહારની બાજુ દુઃખાવો થવો, દાંતમાં ઝણઝણાટી આવવી, પેઢામાં ફોલી(બ્લીસ્ટર) પડી જવી, મોઢા અને પેઢાની ચામડીમાં સફેદ અથવા લાલ ચાંદા પડવા તથા દાંત અને જડબામાં દુઃખાવો થવો વગેરે બાબતોને ધ્યાનમાં લેવામા આવે છે.

આ પણ વાંચો -