કચ્છઃ સરહદના મુલ્યાકંન નિરીક્ષણ અને સુરક્ષા કોર કમિટીની બેઠક માટે BSFના મહાનિદેર્શેક એસ.એસ દેશવાલે કચ્છની ત્રિ-દિવસીય મુલાકાતે પહોંચ્યા છે. ભુજ એરપોર્ટ પર પહોંચેલા મહાનિર્દેશકનું ગુજરાત BSFના DAG જી.એસ. મલિકે સ્વાગત કર્યુ હતું.
ભૂજમા BSFના વડાએ યોજી સુરક્ષા કોર કમિટીની બેઠક, શુક્રવારે લેશે દરિયાઈ ક્રિકની મુલાકાત ઈન્ડો તિબેટીયન બોર્ટર પોલીસ (ITBB)ના વડા અને છેલ્લા ત્રણ માસથી BSFના કાર્યવાહક મહાનિર્દેશક એસ. એસ. દેશવાલે પોતાની મુલાકાતના પ્રથમ દિવસ ભુજ ખાતે સુરક્ષા કોર કમિટિની બેઠક યોજી હતી.આ બેઠકમાં BSFના ઉચ્ચાધિકારીઓ, કચ્છ બોર્ડર રેન્જના આઈજી સુભાષ ત્રિવેદી, ભુજ એસપી સૌરબ તૌલંબિયા કચ્છ કલેક્ટર પ્રવીણા ડી. કે. આર્મીના ઉચ્ચાધિકારીઓ સહિતના વિવિધ સુરક્ષા એજન્સીઓના અધિકારીઓ ઉપસ્થિત રહ્યા હતા. સુત્રોએ જણાવ્યુ હતું કે, આ બેઠકમાં કચ્છની દરિયાઈ સુરક્ષા અને ખાસ કરીને ક્રિક વિસ્તાર અંગે ચર્ચા કરાઈ હતી. દેશના BSFના વડાએ ભુજ ખાતે આ સુરક્ષા બેઠક બાદ શુક્રવારે કચ્છી સરહદોની મુલાકાત કરશે. મુલાકાત બાદ શનિવારે તેઓ ભુજ ખાતે પત્રકારોને મળશે.
ભૂજમા BSFના વડાએ યોજી સુરક્ષા કોર કમિટીની બેઠક, શુક્રવારે લેશે દરિયાઈ ક્રિકની મુલાકાત બીજીતરફ આ મુલાકાતને રૂટીન ગણાવાઈ રહી છે, પરંતુ ભુજ ખાતે સુરક્ષા કોર કમિટીની બેેઠક અને સરહદ મુલાકાતને પગલે આગામી સમયમાં કચ્છની દરિયાઈ ક્રિક માટે ખુબ મહત્વપુર્ણ નિર્ણય લેવાય તેવી શકયતા જોવાઈ રહી છે. થોડા સમય અગાઉ આર્મી દેશા વડાની મુલાકાત સમયે ક્રિક વિસ્તારનો કેટલોક ભાગા આર્મીના મરીન કમાન્ડોને સોંપી દેવા અંગે પણ વ્યાયામ કરાયો હતો. આ પછી તે અંગે શું થયું તેેની કોઈ માહિતી બહાર આવી નથી બીજી તરફ કચ્છની સરહદની સામે પાર પાકિસ્તાન તરફે ક્રિક વિસ્તારમાં ખૂબ જ સંવેદનશીલ બનવા સાથે વિવિધ પાસાઓને મજબૂત કરી રહ્યાની માહિતી મળી છે. તાજેતરમા મરીન બટાલિનય સાથે વધુ કુમક ગોઠવાયાની માહિતી પણ છે. ત્યારે આ મુલાકાત સૂચક ગણાવાઈ રહી છે.
