કચ્છ: ગાંધીધામના BSF કેમ્પમાં પરીક્ષા બીજા વ્યક્તિથી અપાવી શારીરિક કસોટી (Exam of Staff Selection Commission Constable) પાસ થયેલ શખ્સને પકડી પાડવામાં આવ્યો હતો. અહીંની BSF કેમ્પના મેદાનમાં (BSF campgrounds) ગઇકાલે સવારે આ પ્રકરણ (Physical test BSF Camp) બહાર આવ્યો હતો. ગાંધીધામ ખાતે સ્ટાફ સિલેક્શન કમિશનની કોન્સ્ટેબલ (જી.ડી.)ની 2021-22ની' પરીક્ષામાં પાસ થયેલા ઉમેદવારોની શારીરિક કસોટી લેવાનું શરૂ કર્યું હતું. જેમાં ઉત્તર પ્રદેશ ફિરોજાબાદનો દેવેન્દ્ર ગઢરિયા પણ શારીરિક કસોટી આપવા અહીં આવ્યો હતો. ગઇકાલે સવારે આ કસોટી પહેલા બાયોમેટ્રિક મશિન (BSF physical test biometric machine) પર ઉમેદવારોના ફિંગરપ્રિન્ટ લેવાઇ રહ્યા હતા, તે દરમિયાન આ દેવેન્દ્રના ફિંગરપ્રિન્ટ મેચ થયા ન હતા.
શારીરિક પરીક્ષામાં ફિંગર પ્રિન્ટ મેચ ના થતા બહાર આવ્યું - ફિંગરપ્રિન્ટ મેચ ના થતાં આ ઉમેદવારના કાગળ તપાસ કરતાં અરજી ઉપર તેનો ફોટો હતો, પરંતુ પરીક્ષામાં અન્ય કોઇ શખ્સનો ફોટો હોવાનું બહાર આવ્યું હતું. જેથી આ શખ્સને BSFના અધિકારીઓ પાસે લઇ જવાતા તેની પૂછપરછ કરવામાં આવી હતી. આ શખ્સે 2021માં સ્ટાફ સિલેક્શન કમિશનની ભરતી અંગે ફોર્મ (Recruitment of Staff Selection Commission Form ) ભર્યું હતું.
20 હજાર રૂપિયામાં અન્ય વ્યક્તિ પરીક્ષા આપવા બેઠો - આજથી 6 મહિના પહેલા ઉમેદવારને પરીક્ષાનો કોલ લેટર આવ્યો હતો. તેની પરીક્ષા અમદાવાદ હતી. તે અમદાવાદ આવી બેઠો હતો, ત્યારે તેને બિહારના અરુણ નામનો શખ્સ મળ્યો હતો અને પોતાને બીજી નોકરી મળી ગઈ છે. મારું પણ BSFની પરીક્ષામાં નામ છે. તું મને રૂપિયા 20,000 આપે તો હું તને આ પરીક્ષામાં પાસ કરાવી દઇશ તેવું અરુણે આ દવેન્દ્રને જણાવ્યું હતું. બાદમાં દવેન્દ્રએ આ શખ્સને રૂપિયા 20,000 આપી દીધા હતા અને બન્ને પરીક્ષામાં બેઠા હતા પણ બન્ને ફોર્મમાં ફોટાની અદલાબદલી કરી(Swapped photos in the form) હતી.
આ પણ વાંચો: PSI Exam Scam : PSIની પરીક્ષા પૈસા લઈને પાસ કરાવી આપવાનાં બહાને 12 લોકો સાથે છેતરપીંડી, બેની ધરપકડ
પોલીસે આગળની કાર્યવાહી હાથ ધરી - અરુણે દવેન્દ્રનાં નામે પરીક્ષા આપી તે પાસ થઈ ગયો હતો. BSFએ આ શખ્સને પોલીસના હવાલે કર્યો હતો. BSFના ASI રામકિશોર હરિચંદ શર્માએ આ શખ્સ વિરુદ્ધ પોલીસ મથકે ફરિયાદ નોંધાવી હતી, જેના આધારે આગળની કાર્યવાહી પોલીસે હાથ ધરી છે.
