દિવાળી પર્વે ખેડાની ગ્રામીણ મહિલાઓ ડિઝાઈનર દીવડાઓ તૈયાર કરી મોકલી રહી છે મુંબઇ

પ્રકાશ પર્વ દિવાળીનો તહેવાર હવે નજીકમાં છે. ત્યારે ખેડા જિલ્લાના ગ્રામ્ય વિસ્તારની મહિલાઓ દ્વારા બનાવેલા માટીના ડીઝાઈનર દીવડા દેશની આર્થિક રાજધાની મુંબઈના ઘરોમાં ઝળહળશે. ગ્રામીણ મહિલાઓ દ્વારા ઘરકામમાંથી મળેલા સમયનો સદુપયોગ કરી માટીના રંગબેરંગી આકર્ષક ડિઝાઈનર દીવડા બનાવી ટ્રકોમાં મુંબઈ મોકલવામાં આવી રહ્યા છે. મહાનગરમાં દીવડાઓની સારી એવી માંગ રહેતી હોવાથી દીવડા બનાવી ગામડાની મહિલાઓ રોજગારી મેળવી રહી છે.

• ખેડાની મહિલાઓ દ્વારા બનાવેલા માટીના ડીઝાઈનર દીવડા
• સમયનો સદુપયોગ કરી બનાવે છે માટીના રંગબેરંગી દીવડા
• દીવડા બનાવી ગામડાની મહિલાઓ મેળવે છે રોજગારી
• ડિઝાઈનર દીવડા બનાવી મોકલાવે છે મહાનગરી મુંબઈ
  

ખેડા: પ્રકાશ પર્વ દિવાળીનો તહેવાર હવે નજીકમાં છે ત્યારે ખેડા જિલ્લાના ગ્રામ્ય વિસ્તારની મહિલાઓ દ્વારા બનાવેલા માટીના ડીઝાઈનર દીવડા દેશની આર્થિક રાજધાની મુંબઈના ઘરોમાં ઝળહળશે. ગ્રામીણ મહિલાઓ દ્વારા ઘરકામમાંથી મળેલા સમયનો સદુપયોગ કરી માટીના રંગબેરંગી આકર્ષક ડિઝાઈનર દીવડા બનાવી ટ્રકોમાં મુંબઈ મોકલવામાં આવી રહ્યા છે. મહાનગરમાં દીવડાઓની સારી એવી માંગ રહેતી હોવાથી દીવડા બનાવી ગામડાની મહિલાઓ રોજગારી મેળવી રહી છે.

દિવાળી પર ડિઝાઈનર દિવડાની વિશેષ માંગ

પ્રકાશોત્સવ દિવાળી હવે નજીકમાં છે, ત્યારે દિવાળી ઉપર દિવડાનું વિશેષ મહત્વ રહેલું છે. આજકાલ બજારમાં પણ વિવિધ રંગબેરંગી આકર્ષક ડિઝાઈનર દીવડાંઓની વિશેષ માંગ જોવા મળી રહી છે.

ખેડાના ગામોની મહિલાઓ ડિઝાઈનર દીવડા બનાવી મોકલી રહી છે મુંબઇદિવાળી પર્વ પર ખેડા જિલ્લાના ગામોની મહિલાઓ દ્વારા આકર્ષક ડીઝાઈનર દીવડા બનાવી મહાનગર મુંબઈમાં મોકલવામાં આવી રહ્યા છે. મહિલાઓ દ્વારા માટીમાંથી ડિઝાઈનર દીવડા બનાવવામાં આવે છે. જેને રંગબેરંગી આકર્ષક બનાવી તૈયાર કરવામાં આવે છે. જે પેકિંગ કરી ટ્રકોમાં મહાનગર મુંબઈ મોકલવામાં આવે છે. મુંબઈમાં આ ડિઝાઈનર દિવડાની સારી એવી માંગ રહે છે. મહિલાઓ પોતાના ઘરકામમાંથી મળેલા નવરાશના સમયનો સદુપયોગ કરી આ દીવડાઓ બનાવી રહી છે. જેમાંથી તે સારી એવી રોજગારી પણ મેળવી પરિવારને ઘરખર્ચમાં પણ મદદરૂપ થઇ રહી છે. તેમજ કેટલાંક અંશે આર્થિક આત્મનિર્ભરતા પ્રાપ્ત કરી રહી છે.ગામની મહિલાએ નાનાપાયે શરૂ કરેલી પ્રવૃત્તિ અનેકને પુરી પાડી રોજગારીમૂળ ગામની જ રેખાબેન નામની એક મહિલા દ્વારા વર્ષો પહેલા મુંબઈમાં કેટલાક દીવડાઓ બનાવી તે વેચવાની નાનકડી શરૂઆત કરવામાં આવી હતી. જે બાદ ધીમે ધીમે તેમાં મહિલાઓ જોડાતી ગઇ અને હાલ ટ્રકોમાં ભરીને દીવડાઓ મુંબઇ મોકલવામાં આવે છે. જ્યાં દિવાળી પર વધારે માંગ રહે છે. જોકે, દીવડા બનાવવાની આ કામગીરી વર્ષભર ચાલતી રહે છે. જેમાંથી ગામડાની મહિલાઓને ઘર આંગણે જ નવરાશના સમયે રોજગારી મળી રહે છે. ગ્રામ્ય મહિલાઓના જીવનમાં દીવડા પાથરી રહ્યા છે આર્થિક આત્મનિર્ભરતાનો ઉજાશ પ્રકાશ પર્વ દિવાળી પર મહાનગર મુંબઈના ઘરોમાં ઝળહળી આ દીવડાઓ ઉજાશ પાથરશે. ત્યારે આ દીવડાઓ ખેડાની અનેક ગ્રામીણ મહિલાઓના જીવનમાં પણ આર્થિક આત્મનિર્ભરતાના ઉજાશનું પ્રતીક બની રહ્યા છે.