વર્ષોથી પાણી માટે તરસતું ખેડાનું રણછોડપુરા ગામ

જિલ્લાના ઠાસરા તાલુકામાં આવેલા રણછોડપુરા ગામમાં વર્ષોથી પીવાના પાણીની સમસ્યા પ્રવર્તે છે, પરંતુ ગ્રામજનોની અનેક વખતની રજૂઆતો છતાં તંત્ર દ્વારા આંખ આડા કાન કરવામાં આવી રહ્યા છે. ગામમાં માત્ર એક જ હેન્ડપંપ છે. જેનું પાણી પીવાલાયક ન હોવાથી ગ્રામજનોને 2 કિલોમીટર દૂરથી પાણી ભરી લાવવું પડે છે, ત્યારે પાણીની સમસ્યાના કાયમી નિવારણ માટેની ગ્રામજનો દ્વારા માગ કરવામાં આવી રહી છે.

ખેડા : જિલ્લાના તાલુકાનું ડાકોર નગરપાલિકામાં સમાવિષ્ટ ગામમાંં પાણી માટે અબોલ-વૃદ્ધ સહિત સૌ કોઇને આખો દિવસ દડમજલ કરવી પડે છે. ગામમાં અનેક વખત રજૂઆતો બાદ પણ વર્ષોથી પીવાના પાણીની સમસ્યા જેમની તેમ જ છે. ગામમાં માત્ર એક જ હેન્ડપંપ છે. જેનું પાણી વપરાશ માટે જ ઉપયોગમાં લેવાય છે. જે પાણી ભરવા માટે પણ મહિલાઓની ભારે ભીડ થાય છે.

વર્ષોથી પાણી માટે તરસતું ખેડાનું રણછોડપુરા

મહત્વનું છે કે, લોકોને પીવાનું પાણી 2 કિલોમીટર દૂરથી ભરી લાવવું પડે છે. અહીં મહિલાઓનો દિવસનો મોટા ભાગનો સમય પાણી લઇ આવવામાં જ પસાર થઇ જાય છે. ખાસ કરીને ઉનાળા અને ચોમાસામાં પાણી માટે અનેક મુસીબતોનો સામનો કરવો પડે છે. વર્ષોની અનેક રજૂઆતો બાદ ગામમાં એક બોર બનાવવામાં આવ્યો છે તે પણ શોભાના ગાંઠિયા સમાન જ છે. બોરમાંથી આજદિન સુધી પાણી આવ્યું નથી.

પાણી ભરતી મહિલાઓ

ખાલી હેડપંપ

પાણીની સમસ્યા અંગેની અવાર-નવાર રજૂઆતો બાદ પણ ગ્રામજનોને વર્ષોથી એક જ જવાબ મળી રહ્યો છે કામગીરી કરી ઉકેલ લઇ આવીશું. જો કે નથી કોઈ કામગીરી થતી કે નથી ઉકેલ મળતો, ત્યારે હજુ ક્યાં સુધી પાણી માટે આમ રાહ જ જોવી પડશે તે સવાલ ગ્રામજનોને સતાવી રહ્યો છે.